نواعي الشيخ مصطفى الموسى

خاصة : بالمواضيع المتعلقة بالصوتيات فقط

المشرف: عــلي

diver1042
مهدوي مبتدئ
مهدوي مبتدئ
Posts in topic: 3
مشاركات: 91
اشترك في: السبت نوفمبر 15, 2008 10:19 am
الراية: أخت زينبية

#11 رد: نواعي الشيخ مصطفى الموسى

مشاركة غير مقروءة بواسطة diver1042 » الثلاثاء يناير 06, 2009 11:49 pm

بسم الله الرحمن الرحيم
اللهم صل على محمد وآل محمد
تفاخر الكعبه ومكانة كربلاء
________________________________________

إن كل العزاء لرسول السماء
ثم للمرتضى سيد الأوصياء
***********

إن قلبي انكوى في ربى نينوى
فاض دم الجروح ليس فيها دوى
موقف للحسين قد أهاج الحنين
و أثار الدموع بالأسى و الأنين

***********
إن كل العزاء لرسول السماء
ثم للمرتضى سيد الأوصياء
***********

هيجوا خاطري صار جسمي ذبول
لمصاب الحسين و هو غصن البتول
فله دمعة أبدا لن تزول
قد بكته السماء بدموع الرسول

***********
إن كل العزاء لرسول السماء
ثم للمرتضى سيد الأوصياء
***********

لا تلمني أخي إذ بكيت دما
فمصاب الحسين حرك الآلما
فله بالطفوف عبرة كلما
قد سقوه السهام و هو يشكو الظما

***********
إن كل العزاء لرسول السماء
ثم للمرتضى سيد الأوصياء
***********

لهف نفسي عليه قد قضى نحبه
أي أرض بها ألموا قلبه
بسيوف العناد مزقوا ثوبه
و أحبوا يزيد و نسوا حبه

***********
إن كل العزاء لرسول السماء
ثم للمرتضى سيد الأوصياء
***********

و رضيع النبي قد بكى للإمام
ظاميا بالفلا قد سقوه السهام
و غدوا باللظى يحرقون الخيام
لينام يزيد فوق ريش النعام

***********
إن كل العزاء لرسول السماء
ثم للمرتضى سيد الأوصياء
***********

سيدي يا حسين يا إمام الورى
دمك الطاهر سال فوق الثرى
عذبوا زينبًا بسياط السبي
ثم آذوا العليل و هو سبط النبي

***********
إن كل العزاء لرسول السماء
ثم للمرتضى سيد الأوصياء
***********

يا ابن آل الرسول هل سواك فجيع
بالدما و العيال و النسا و الرضيع
يا ابن آل الرسول سيدي يا حسين
سوف نبكي عليك عبر مر السنين

***********
إن كل العزاء لرسول السماء
ثم للمرتضى سيد الأوصياء
***********

بسم الله الرحمن الرحيم
نسب رب العزه الكعبه المشرفه اليه فسميت بيت الله الحرام وهو تقديس لمكانتها وتشريف لمنزلتها وذلك لان ليس لله بيت بعينه فهو غني عن المكان ،لهذا ،رفع هذه البقعه من اعماق الارض الى قمة السماء وشرفها بنسبها اليه عز وجل
هذه الكعبه المشرفه التى كرمها الله ،وامر الحجيج أن ينزعوا عند مشارفها ألبستهم الدنيويه ويلبسو لباس الاحرام ،فيدخلوها محرمين تاركين بعض اللذائذ الدنيويه المباحه وتفاخرت على البقاع الاخرى كما جاء عن الامام الصادق سلام الله عليه حيث قال : ان أرض الكعبه قالت من مثلي وقد بنى بيت الله على ظهري ويأتيني الناس من كل فج عميق وجعلت حرم الله وأمنه ! كل الفخر نلتين يرض الغاضريه
ارضش حوت اقمار وشموس المضيه
صرتي الثريا بلامس كنتي
ابايوسيله كربلا وباي رجاها
قالت ابدم سال في ارض اوزواها
دم الشهيد احسين وارجال الحميه
بالامس كنتي اتراب وانتي اليوم تربه
اترابش شفا المرضا عن اعلاج الاطبه
قالت ابدم حسين ودموم الاحبه
عمروا ادياري ومن قبل ماكنت اعزاز
ارض خليه اوساكني وحوش واقفار
واليوم ارضي بلمشاهد تسطع انواره
من كل فج تعتني الزوار ليه
حسين ظامي اوبالعطش ذبحة اطفاله
والماي منش تشربه اعلاج اميه
ارضش حوت اقمار فيها وغابت اشموس
وياما جثث فوق الثرى ظلوا بلارووس
ارواحهم راحت الى جنة الفردوس
يا كربلا بنوارهم صرتي مضيه
*******

فأوحى الله إليها أن كفي وقري فوعزتي وجلالي مافضل مافضلت به فيما أعطيت به أرض كربلاء الا بمنزلة الابره غمست في البحر فحملت من ماء البحر !ولولا تربة كربلاء مافضلتك ،ولولا ماتضمنته أرض كربلاء ماخلقتك ولا خلقت البيت الذي افتخرت به ؛فقري واستقري "
لقد أعز الله تعالى الكعبه وشرفها إذ نسبها إليه عز وجل وسماها البيت الحرام فماذا عن كربلاء ؟واي ميزه تمتاز بها ؟
لمعرفة ذلك اقرأ ماجاء عن الامام الصادق سلام الله عليه حيث قال : وإن ارض كربلاء وماء الفرات اول أرض وأول ماء قدس الله تبارك وتعالى ،فبارك الله عليهما فقال لها :تكلمي بما فضلك الله تعالى ،فقد تفاخرت الارضون والمياه بعضها على بعض 0 قالت :أنا أرض الله المقدسه المباركه ،الشفاء في تربتي ومائي ولافخر ،بل خاضعه ذليله لمن فعل بي ذلك ،ولافخر على من دوني بل شكرا لله فأكرمها وزا دها بتواضعها 0
فإذا وفقنا لاقامة مجالس العزاء الحسينيه ،وأسدينا خدمه لسيد الشهداء سلام الله عليه ،وتحملنا العناء والمشقه في هذا السبيل ،وكان لنا شرف المشاركه في هذه المآتم نقول :الحمد لله الذى و

حديث الاجساد""
جسد ممدود بلية زنود
جسد على الغبرة رضضنة الخليل
ومن لجراح حجت لرواح
تهزه العبرة في ظلام اليل
جسد يحجي بظلام الليل
ومن قلب الدمع يجري بدال العين
انا العباس انا لي على الشريعة
مالي راس ومالي جفين
حنين الباقي بضلولي ينادي ومدري تسمعني يخوي حسين
اجاه من الجسد لراس رضى الصوت اسمك يا خويا يا عباس
وانا على الغبرة وادمومي غسل نحري مثل حاك قطيع الراس
ثلث قلبي الي ضل عندي وثلثينا تحت صدري وصدري انداس
يبو سكينة من اجروحي من فيوض الدمه
سلام عليك وكل عذري لامك فاطمة
يبو فاضل ينور عيوني يا ساقي الضمة
على اجروك سلامي وكل تحياتي سمة
من المذبوح الى ساقي الروح
سلام الوالية في ظلام الليل
جسد ممدود بلية زنود جسد على الغبرة رضضنة الخليل
ومن لجراح حجت لرواح تهزه العبرة في ظلام اليل
يا خويا خلنا على الغبرة اعد اجروحي وتعدد جراحاتك
انا الاظهري افصم عندك خيول الهشمك اضلاعي طرباتك
واشد من طيحتي دامي عطش عيني الى روحاتك وجياتك
انا خيك يبو سكنة بس تناديني عند الشدة تلقانيي
تذكر من صرت حاير بقه يهتز لك بلغبره جثماني
ولا خفت العمد والله عليك انا خفت يا قلبي الثاني
حديث اجساد يهز الشاطي كل ما يصخي له
وتل الزينبي بقلبة تجري زلزلة
اوحتى الريح اذا تصخي لا ما تتحملة
غريبة ترابج لمايرتش يا كربلاء
حديث اجساد في حر الاوهام
فجع هدنيا في ظلام الليل
جسد ممدود بلية زنود جسد على الغبرة رضضنة الخليل
ومن لجراح حجت لرواح تهزه العبرة في ظلام اليل
خجل يحسين اريد ازحف لك وذلالي من هلي جره مكسور
انا اشلون اقترب يمك يخوي اشلون ومالي عين اجوف
انا اشلون احضنك لو اوصل لجسمك حسافة مالي اجفوف
ياعباس ادري بحساسك وانا بي الخجل ينزف من المنحر
انا اشلون اقترب يمك وعندك عين انشر ...............
تضمني منين وما عندي ضلع ما داسته الخيال وتسكر
سهم عينك اجه بقلبي ورماني على الثره
قطع جفيك قطع مني الوتين وهبره
وكل لي جرى عليك انظره على جره
تقاسمنا الجرح في كربلاء ودمنا جره
ضمى الحامي حمه الضامي
حج بيرانه في ظلام الليل
جسد ممدود بلية زنود جسد على الغبرة رضضنة الخليل
ومن لجراح حجت لرواح تهزه العبرة في ظلام اليل
زحف من مصرعة الساقي تصور يسحب الخليل بلي زنود
وصل وجفوفه سبقن ولقاه يم عضيضه حامل العامود
وتحاجي قلبه المقطع يخوي لو مهذا تركت الجود
ومن شاف القلب يمهن ومن بينه سهم ناشب وسط شريان
وجنه تنادي دقاته وحق جدي يبو فاضل انا عطشان
ولو ما هسهم جمعت ادموع الخيام الحرم غدران
حمل هذا جسد هذا وراحو الى الخيم
عسى كل الزمن يرجع ولا ضيع الحرم
وويه كل اثر خطوه يجرده الى آلم
ومن وصلوا وقع هذا على هذا ونهدم
غاب الصوت ومات الموت
وبدت النهاية في ظلام الليل
جسد ممدود بلية زنود جسد على الغبرة رضضنة الخليل
ومن لجراح حجت لرواح تهزه العبرة في ظلام اليل
تمـــــــــــــــــــــــت
كلهه اتروح اويبقة احسين
شعر:فاديا الخفاجي
كلهه اتروح اويبقه احسين*كلهه اتنادي بصوت الحره
ياعطشان اُويا مَذبوح*نِسْكيلـَك دَمعات العين
كلهه اتنادي بصوت الحره
*****
موت إيـطُم كل إلعَادوك*خـَلـْنـَه ابحُبَّك مِنجنين
مولانه اوليلـَة عاشور *للتطبير إحنه امْحـَظْرين
اونركضلك رَكْض إطويريج*حتـَّه الاعرج عُودَه إيطَفرَه
كلهه اتنادي بصوت الحره

*******
فدوه انروح الچف عباس*اُوفدوه انروح إلنَحر إحسين
نزحفلك مولاي إزحوف*مانعرف مولاي الخوف
هِدرَوا دمنه أزلام إيزيد* ايفَجرونه وإنعيد الكرَّه
كلهه اتنادي بصوت الحره
******
جا عابس مو بالطف صاح* مجنون آني إبحب احسين؟
اشلون ايريدونـَه انعوفك؟* قرآن انت الكل يشوفك
رادوا للذكر يدثرون* لا والله يا رُكنْ إلعِترَه
كلهه اتنادي بصوت الحره
*****
شوف إكبور إللي ايعادوك* اُوشوف إقبابك وصْلَن وين
مَيعرفون إنـَّكْ مَولاي* انت السور الكل حماي
اُوجَم مـَرَّه إلقـَبْر إيفَلشوه؟* وإحنَه الشيعة إنرِدْ إنعَمرَه
******
يا كرَّار إلحـَك لِطـْفوف * باوِعْ ولدك متطـَشرين
وين ايروح إلكَص إلرَّاس *مِن بـَطشـَك يابو الرُمحَين؟
ذاك إسراطـَك تحكُم بي* اُوكتَّال إبنـَك نار إتجـِرَّه
*****
كوثر حوض اُمَّك يحسين* ونته اُورَبعـَك عطشانين!!!
يمدلل... والتالي إهنا * عَل تِربان إنتوا إمْجـَطلين!!!
هـَز إمهادك جبرائيل* اُوياهو إيهز إتراب الصَّحرة؟
******
إفراشك جان أحضان إلجَدْ * وِنتـَه اوجَدَّك فرحانين
تالي إللي ايغـَطِّيك إتراب* وِلْ دَم يصفالـَك تـَجفين!!!
جدَّك كام إب عَبرَه ايكول* أضمن جـَنـَّة إلحامي إلعِترَة
*****
ذاك إلأبْ لينوحـَك دوم * قلبـَه إتوَجَّر بـِلْ نارين
نارَك وِلْ ماتَوا وَيـَّاك * اُونار إلصَّارَوا مَسـبيين
شـُبـَّر وَيَّه العِترَه إيصيح *لـَشـْطرهم كل واحد عَشرَه
*****
واُمَّك يـَل مَدفونه ابْ ليل * مَخفيَّه اومانعرف وين
بـَينـَتْ بـَس يوم إطفوفك *مَذبوحَه واُوياها إثنين(محمد ص وعلي ع)
ساعَه إتنوح اُو ساعَه إتطيح *مَذبوحه وإتنوح إب حَسره
******
غركَانه إبْ كُثْرَتْ لـِحْجاب*تلطُم وإتصـَـيِّح يحسين
خـَبـِّر اُمـَّك وين إلرَّاس؟*اُووين إصبَع إيدَك يازين؟
فادَيتَه ضِلعي إللي إنصاب*اُوتاليـتـَه يتهَشَّم صدره!!!!
*******
صاحَتْ هَلْ يوم أتـْحـَنـَّه *بـِدْمايَتْ مولودي إحسين
شالَتْ مِنْ يَم نـَحرَه إلدَمْ * وإتحنَّت وإتهِل إلعين
كام إتنوح إعليه إتكول:*يامَهدي ثور إنتـَه النحره
*******
يوم إبْ شـُبَّر... يوم إحسين*وآنه أتذَبَّح بـِل مَرتين
ياشيعة نوحولي إلطَفـَّه*وإبجولـَه لدمايـَه العين
نوحوا اُويَه أحمد ..مِنْ خَبْروه* اُومِنْ يومَه ينحَبْ عَل طـَبْرَه
*******
فوك إلرُّمْح إنحـَط إلرّاس* شوف إبنـَك ياتاج الدين
اُويفتي إشرَيح إلكافـِر ذاك* كال إذبَح هَل مِتـْمَردين
وإتهادَوا بـِلْ طاس إلرّاس* وإبن إهنَيدَه إليُضرُب ثـَغرَه
********
ذاك إبنـَك يامَولانَه *دَمَّه اولَمَّتْ بي جَفـَّين
اُولاقـَطرَه السِقـْطـَتْ لكن*دَمَّه اودَمَّك مِختـَلطين
وِلْ دَمَّك راح إحنَه انثور* اُوللطِفل إلماشارُب قـَطرَه
*********
راح إنثور إلدَم عَبـَّاس* اوزَرْفـَتْ قلبـَه اُويـَه الجفَّين
وِل زَينب مِنْ كَالـَتْ: راح* أصلي اُوفرعي إب كـَتْل إحسين
اُوثار إسكينـَه إنطالُبْ بي* وِل طِفلـَه إل كـِتـْلـَتهَه العَبرَه
*****
هاذ إلوَعـْد إلما ننطي*بس لال أحمد نور إلعين
يـِظهَر مَهدي إنثور اُوياه *اُوللثـَورَه احْنـَه المِتحَضرين
صِيح إبنـَك مَولاي أرجوك*خـَل يطلـَع وإيقود الثـَورَة
**********
يزيد يسأل عن المعركة


يسأل يزيد الرجس قومه وشابح العين

للحرم وهي امجتفه بالحبل صوبين

عن خبر هاي المعركه شرحوا لي الحال

وشكثر ويا حسين من رجال وخيال

ويوم الطلبتوا لي البيعه منه شقال

ولن زجر صاح اسمع كلامي وافتهم زين

وصل الطف الجيش ولزمنا الشريعه

ومن العساكر ضاقت الارض الوسيعه

وحسين عنده اعوان من باجي الشيعه

سبعين واثنين وهله سبعه وعشرين

والصبح من عاشر محرم عمر الكون

ولوذ الحمام من الصقر منا يلوذون

ساعه وخلصوا بين منحور ومطعون

وهذي حرمهم واليتامى وراس لحسين

ولن واحد ايناديه لا تسمع كلامه

اولاد ابوالحسنين سووها قيامه

الجيش نص هايم ونص لاقى حمامه

مرات ملكوها الشريعه ومستميتين

قايدهم العباس والرايه بيمينه

وكلما اسود الكون يتشعشع جبينه

مقدر اوصف نغمة الحلّت علينا

وطب الشريعه وقفض الميدان صوبين

واما العجيبه يوم شال الماي بيده

وذبه وبقى ينحب على حالة عضيده

صوّل شيه الزلزله ببروق ورعود

لازم البيرق زين ومحافظ على الجود

طارن زنوده وهاج بس ابطرق لزنود

مثل الاسد يسطي وجاه السهم بالعين

ولزرق سطى بعموده وصابه على الراس

خر بالترب والجيش نادى طاح عباس

وحسين حوّل للمعاره وفرق الناس

يمه قعد ساعه ورجع يصصفج بليدين

وابنه علي اشسوى من عجايب

أفنى الجموع وقلبه امن العطش ذايب

ما طاح من صهوة جواده للترايب

حتى ملا الوادي مصاويب ومطاعين

وحسين من حول على الجيمان زعلان

يحطم بسيفه وبالجثث فاضت الوديان

بارواحها فرت وظل خالي الميدان

لولا الحجر والسهم مارد منهم اثنين
تمت
نريد انروح للزهرة ونعكد مناح اهناك

هي ام العزة وهي بالحشر تلكاك

هي اول من بجته بعد النبي الهادي

وهي وي زينب بالسبه يضربه الحادي

هي ام حسن وحسين وهي وام ابوهه

وهي بعد النبي ما راح الناس ظلموهه

........................................

ّهواده الليل يتمشه على جفني

وانه وياه امكالب ابد ماضحك سني

وريت العين االما بجتك يا حسين

عساه بعمه وما تنحسب عين

.....................................

ّنواعي الدهر ياحسين من بعدك يريته عسنه

ولاهنت روحي بفرح والقلب بموته عسنه

.....................................

دار الوكت يحسين بيـــنه وزين العباد اخذوه ميسرينه

من كربلة ياخوية للمدينه وبالمهانه الكوم كامت علينه

........................................ز

ّهاكم بكايا الروح تفتر عليكم

من يوم الوداع تسله بذكركم

أريد أنشد الجانو بكربلة عند ابوالسجاد اهناك

من زاروا احسين وتبركوا هم بقالهم سن ضحاك
تمـــــــــــــت
قصيدة بين الحسين والعباس

خليت دمعي فوق خدي يالأخو سايل
من يسرج الميمون من بعدك يا بوفاضل
عباس يا خويه

بعدك يا نور العين من يسرج الميموني
بين العدى مفرود نيتكم تخلوني
عباس يا خويه

خليت دمعي فوق خدي يالأخو سايل
من يسرج الميمون من بعدك يا بوفاضل
عباس يا خويه

شال السبط راسه بحسرة و حطه بحجره
شاله أبوفاضل ورده بحرة الغبرة
شمالك يا خويه شلت راسك من وسط حجري
مصابك شجاني و ذوب فؤادي و كسر ظهري
عباس يا خويه

خليت دمعي فوق خدي يالأخو سايل
من يسرج الميمون من بعدك يا بوفاضل
عباس يا خويه

يقله يا خويه اشلون أخلي راسي بحجرك
و انت بعد ساعة الشمر يجلس على صدرك
يقله فجعتني بنومتك يا سيفي المشهور
ظهري عقب عينك يا بوفاضل ترى مكسور
عباس يا خويه

خليت دمعي فوق خدي يالأخو سايل
من يسرج الميمون من بعدك يا بوفاضل
عباس يا خويه

بعدك البيرق من يشيله يا عزيز الروح
يا هو عقب عينك يسلي زينب من النوح
لو سايلت عنك المحزونة شقول إلها
ما أقدر أخبرها على التربان كافلها
عباس يا خويه

خليت دمعي فوق خدي يالأخو سايل
من يسرج الميمون من بعدك يا بوفاضل
عباس يا خويه

و عباس يتقلب على الرمضى و يجر ونة
و غمض عيونه و أسبل إيده و راح للجنة
عباس يا خويه

خليت دمعي فوق خدي يالأخو سايل
من يسرج الميمون من بعدك يا بوفاضل
عباس يا خويه
تمــــــــــت
وداع فــاطــمــة الــكــبـرى

فـاطم تـون وتـسحب أذيـال المصيبه
تـنـادي يـبـويه لا تـخلّوني غـريبه
اخـذوني يـبويه ولا تـخلّوني بالديار
يـنتحل جـسمي وبـالضّماير تشتعل نار
مـن شـوفتي ابيوتك عليها سافي غبار
جـيف الـبصر لـو نـوّح الوافد نجيبه

الـوافد شـقلّه لـو لـفى يـا سر الوجود
خـذني يـبويه اويـاك لو قلّي متى تعود
ضـمها لـصدره والـدّمع يجري بالخدود
وقـلـها يـبنتي الـقلب زيّـدتي لـهيبه

ردّي الـمنازل يـا عـزيزه و انـدبيني
وقـطـعي الـرّجا مـنّي ولا تـترقبيني
صـاحت يـبويه فـرّقوا بـينك وبـيني
و صـدّت لـبو فاضل تنوح وتنتخي به

خـرّت تحب إيده و راسه صعب المراس
اتـقلّه يـعمّي افراق ابويه يشيّب الرّاس
اتـوسّل بـبويه حـسين ياخذني يَعبّاس
روحـي تـرى راحـت يَسردال الحريبه

مـتـعجّبه مـنـكم يـفـرسان الـحميّه
كـلـكم غـيورين و شـيمكم هـاشميّه
نـشّـف يـعمّي دمـعتي والـتفت لـيّه
وخـاطـب أبـويه لا يـخلّيني غـريبه

قـلّه يـخويه هـالبجا و الـنّوح فـتني
و بـنـتك تـراهي هـالعليله ذوّبـتني
قـلّـه شـسـوّي وكـتـبة الله قـيّدتني
مـقدر أشـوف ادمـوعها ابخدها سجيبه

هـذي مـهي مـكتوب تـتودّى هـديّه
ولا هـي يـخويه مـن سبايا الغاضريّه
ردّي يـبـويه وردّتـك غـصبٍ عـليه
و طـلبي مـن الله ايـعودنا لـديار طيبه

خـرّت تحب رجله وتصيح بقلب مفتوت
خـذني تـرى ينتحل منّي الجسد واموت
مـقدر على الوحده وعلى معاين هالبيوت
ظـل يـنتحب والحرم ضجّت من نحيبه

ردّت بـحسرتها و سـاق الـظّعن عنها
نـوبٍ تـقوم ونـوب تـوقع من حزنها
ومـن رجـعة اخوتها وأبوها انقطع ظنها
و تـقول راح احجاب صوني منين أجيبه
تمـــــــــت
خيرة الله من الخلـق أبي =بعد جدي وأنا ابـن الخير تيــن



عبد الله غلام نـاشـــــــئا =وقـريـــش يـــعبدون الـوثـــنين



فضة قد صبغت من ذهب =وأنا الفضـــة وابـن الذهـبيـــن



من له جد كجدي المصطفى =أحمد المختار نــور الظلمــتين



من له أب كأبــي حيـــدر =قاتـل الكفــار في يوم حنيــن



من له أم كأمي فاطمـــــة =بضعــة المــختار قرة كل عين



من له عم كعمي جعــــفر= ذو الجناحين أصيل النســـبـين



والدي شمس وأمي قمــــر =وأنا الكوكب وابــن النييريــن



أمــي الزهراء حقا وأبــــا =وارث العلم من مولى الثقلـين



نحن أصحاب العبا خمستنا=قد ملكنا شرقها والمغربـــين



نحن جبريل غدا سـادسـنا =ولنا الكــعبة ثم الحرمــــــــين



يا أمة المختار قروا أعينا =غدا تسقون من كفي الحسنين



*****
وله ايضاً
دع الحرص عن الدنـــيا =وفــي العيـــش فـلا تطمــــــع



ولا تـجمع مــن المـــــــال =فلا تــدري لـــمن تـجمــــــــع



فإن الـــرزق مقــــسوم =وسوء الــــظن لا يــنـــــــفع



فقـــــير كل ذي حـــرص =غنـــي كل مــــن يقنــــــع
تمت
تهدمت والله اركان الهدى
وعمرنا والله قدى ضاع سدى
تهدمت والله اركان الهدى
قد قتل الكرار في كيد العدى
تهدمت والله اركان الهدى
ياايها المختار قدى جاء الصدى
تهدمت والله اركان الهدى
غاب هلال الدين في برج الهدى
تهدمت والله اركان الردى



اشدد حيازيمك للموت .. فان الموت لاقيكا

ولاتجزع من الموت .. اذا حل بواديكا

فان الدرع والبيضة .. يوم الروع تكفيكا

كما اضحكك الدهر .. كذاك الدهر يبكيكا



أنت نبراس الكرامة*** بس الك تحلى الزعامة
هالصوت من قلب المحب يعتلي**للموت نهتف يا علي يا علي
**********
نهواك يا أبا الحسن من عالم التكوين و بسيرتك ماضين
بيعة وفا يا علي نبايعك دنيا و دين للعهد ما ناسين
هلدين بيك انعرف يالضارب بسيفين يا طالع برمحين
تشهد بفضلك أُحُد و خندق و صفين تشهد بدر و حنين
مانحك ربك وسامه***شافع بيوم القيامة
يالبيك ديجور الهضم ينجلي**للموت نهتف يا علي يا علي
**********
لولاك يا أبا الحسن دين النبي ماجان يثبت بهلأركان
بنفسك يا نفس النبي حاجج أهل نجران بالشرف و الإيمان
بسيفك يا سيف الوحي منتصر على الطغيان يا محطم الأوثان
انت الأصل و الفرع للشرع و العرفان و الكرم و الإحسان
دينك مثبت قِوامه***انت دستوره و نظامه
يا من ثنيت المحور الجاهلي**للموت نهتف يا علي يا علي
**********
عُمَر بن ود من نزل بالحومة صال و جال تتراجف الأبطال
بس انت يا أبا الحسن قابلته و بهلحال ماهمتك آجال
و بضربتك لابن ود لو جانت على جبال عن الأرض تنزال
ضربة عزم يا علي ترجحت على الأعمال فلتسمع الأجيال
دينك بجفك زمامه***الخاصمك فاشل خصامه
يا من الحومة بصارمك تصطلي**للموت نهتف يا علي يا علي
**********
و بيوم خيبر الك موقف يا حامي الجار مامثله موقف صار
من نزل مرحب هتف مرحب أنا المغوار سيفي يتجادح نار
من سمع صوتك صحت آنة علي الكرار مرحب شرد محتار
و إبليس غشه و رجع لجن رجع منهار و بوجهة لِبَتّار
ضربتك ظلّت علامة***و بعد شتفيد الندامة
يا من لرب العرش حجة و ولي**للموت نهتف يا علي يا علي
**********
رب العلا يا علي بهذا الاسم سمّاك ويا النبي خاواك
مفتاح كنز العلم رب الجلالة انطاك و تسلم بيمناك
يا نور ذات القدس لوما شرف معناك ما دارت الأفلاك
و احنا على ذاك العهد نوالي الذي والاك و نعادي من عاداك
و المحب صار التزامه***بالنبوة بالإمامة
تقديس ذاتك بالبيان الجليل**للموت نهتف يا علي يا علي
***********
كل العِوالم الك خضعت يا ليث الغاب يا جوهر الأطياب
يا نور ذاك الوحي يا وسفة بدرك غاب عن ناظر الأحباب
و مضمرات الحرب صاحن بصوت مصاب صوابك شلون صواب
يا وسفة كل الوسِف عقبك يا داحي الباب صار أظلم المحراب
عسعس الكون بظلامة ***و القلب شاجر ظرامه
هيهات حزن البلقلب ينسلي**للموت نهتف يا علي يا علي
***********
دمعة مناحة فاضت يا بدر التام بالحزن و الآلام
كهف اليتامى جنت و انفجعت الأيتام من رحت يا ضرغام
مصيوب دين النبي و انهضمت الأحكام و اتيتم الإسلام
طاحت أركان الشرع يا من رحت منضام وسفة العمر مادام
يا كهف كل اليتامى***سيرتك عفة و شهامة
منهل مصابك بالجفن يغتلي**للموت نهتف يا علي يا علي
تمت
قصيد ه هلاال عاشوراه
________________________________________

بسم الله الرحمن الرحيم ....... الحمدلله والصلاة والسلام على رسول الله وعلى آله و صحبه المنتجبين ... السلام عليك يا ابى عبد الله الحسين..
من يوم هل الهلاال وهلة دمعتي ...... جاريه وابكت عيون النبي
مابطلت جاريه ياهلاال هليت............واشغلت النبي با الهم
ركبو الهوادج ومحمد بداها الهم.........ياهلاال هليت فارقت
الضعون تسير قام الطرماح يحدي.......وانياق تسير لاوين يردون
قالو كربلاء للدين رابع ينصبو.............الخيم وجهادهم للدين
الدين كله ثلاثه والعقيده علي..........واسميت الدين الله والنبي
وعلي لاتكون غافل يا موالي...........وحدث في فضائل علي
احنا المعادن وابو الحسنين............ الينا محك واصبر وقول
الى الندل يصبر الى يوم ...............المحك يوم كائلف عام
عما تعد الناس ناس حيارى...........وناس تستغيث بناس
تمــــــــــت
ذنوبنه هوايه وثجيله ذنوبنه ++ حسين بس بيك انت تشفه گلوبنه
كثرت وزادت علينه ------ ماكو غيرك ياويلينه
حسين بس بيك انت تشفه قلوبنه
---------------------------
گلوب مو ذيچ الگلوب +++ حسین من کثر الذنوب
عاده عدنه الذنب صار +++ والعذر نرجع نتوب
بعدد ذرات الرمال ذنوبنه
بعد وبثگل الجبال ذنوبنه
اسود اظلم هل اكتاب + لاعمل يوم الحساب
شلون نتحمل عذاب +اولايصح واحد ينوب
منهو يتحمل يشيل ذنوبنه
-------------------------
دنيه بيها اشگد طمع +++ لچن ابدن مانفع
ياما بيها اشگد ركض ++ الراح غاب ومارجع
وحنه بالعين اونشوف ذنوبنه
اوچنها ماتعنينه انه ذنوبنه
وبد ماناخذ درس + الچان ويانه امس
عاف كل ذاك اللبس +وبچفن تالي طلع
ويه كل هذا اوتزود ذنوبنه
-------------------------
بيها عدنه اشگد امل +++ لاچن ابلايه عمل
نعتقد ماتنگضی +++++ ومانفكر بالاجل
شلون بينه باچر اويه ذنوبنه
وين ننطي الوجه من ذنوبنه
الموت لو لينه گرب +اوكلشي من عدنه انسلب
والقلم خط اوكتب + اوكلها عافتنه الاهل
اوحضروا بالگبر كل ذنوبنه
---------------------
يبن فاطمة البتول +++ هناك عد ربنه اشنگول
من یراوینه الکتاب ++ اوعنده وگفتنه تطول
اوشفنه بيه امسجلات ذنوبنه
فوگه فوگه مراکمات ذنوبنه
اوماكو مهرب لامفر + كلها محتاره البشر
اوتلتهب يمنه صقر + يبن حيدر والبتول
وحنه جبناها امندينه ذنوبنه
-------------------
مال ماينفع بعد +++ اولاالچانولی سند
والعمل هم مايفيد ابليه شخصك لا ابد
حسين بس حبك يغطي ذنوبنه
اشكثر ماچانت علینه ذنوبنه
نريدك اويانه تصير + بصوبنه ابيوم المصير
اوياك ابدن مانحير + حسين ياثار الصمد
لجلك الله يمحي كل ذنوبنه
---------------------
حسين ياذخر الجميع +++ ياامامي ياشفيع
رضا الباري من رضاك ++ ياحبيب الله السميع
يفوز دنيه اواخره الوالاكم
اولازم ايعادي الذي عاداكم
او عن دربكم مايزل +يبگه بیه اومایمل
شما ثگل بیه الحمل +کون الکم مایبیع
حسین یاعزنه اورجانه اوزودنه
==========================================
تمت
نعي للزهراء عليها السلام
________________________________________
ضلعاي ضلعاي بوسط بيت الأحزان عليك ضلعاي
دليلي من الحزن والنوح ضلعاي
عكُب عينك يبوية انصاب ضلعاي
ولهيب الدار جمراتة سرية
_______________________________
صاحت يبوية قومك ما رعوني
وخلاف عينك مرمروني
ومن البجة عليك منعوني
وبرة المدينة طلعوني
_______________________________
ورة الباب اختفت فاطم ولاذت
عصرهة الما له مروة
يخايب لا مجابلتك ولاذت
ذنب لجلة توسدهة المنية
_______________________________
ونين الدوح لكتابي يفضة
وحنين الكَلُب ما واحد يفضة
على الصاحت إلحقيلي يفضة
وقع محسن يويلي أعلة الوطية
_______________________________
القلب غير النحب والنوح ما صار
لجن بعدة اعلة الذات الصبر ما صار
يبوية وعكب عينك صار ماصار
وحتى السدرة قطعوهة علية
_______________________________
عليه ألصار ما صاير ولا دار
ولا حيدر رعوا حقه ولا دار
يدمعي شما تريد در ولا دار
على ألزهره ومصيبته الرزية
_______________________________
المصايب والحزن صارن سملهه
وهي ألما لبست فضه سملهه
يا وسفه بحچي دسوا سملهه
ولــن نار ألعده تسعر سريه
_____________________
مـا يوم الدهر بشــر وسره
بحبال الحقــد شـــده وسره
هظيمة الناس جهلته وسره
وهم يدرون بت سيد ألبريه
_____________________
ليش الفرح بالدنية ما تمله
وملاك ألسمه نصبت ما تمله
وهي فگدك يوالده ما تمله
تنوح وتنتحب صبح ومسيه

تمت
*((قصيده محرم))*

من حامل لولي الأمر مألكة تطوى على نفثات كلها ضرم‏
يابن الأولى يقعدون الموت إن نهضت‏ بهم لدى الروع في وجه الضبا الهمم‏
الخيل عندك ملتها مرابطها والبيض منها عرى أغمادها السأم‏
لا تطهر الأرض من رجس العدى أبداً ما لم يسل فوقها سيل الدم العرم
‏أعيذ سيفك أن تصدى حديدته‏ ولم تكن فيه تجلي هذه الغمم‏
قد آن أن يمطر الدنيا وساكنها دماً أغر عليه النقع مرتكم‏
حرّات تدمغ هام القوم صاعقة في كفه وهي السيف الذي علموا
نهضاً فمن بظباكم هامه فلقت‏ ضرباً على الدين فيه اليوم يحتكم‏
وتلك أنفالكم في الغاصبين لكم‏ مقسومة وبعين الله تقتسم‏
جرائم آذنتكم أن تعاجلهم‏ بالانتقام فهلا أنت منتقم‏
وإن أعجب شي‏ء أن أبثكها كأن قلبك خال وهو محتدم‏
ما خلت تقعد حتى تستثار لهم‏ وأنت أنت وهم فيما جنوه هم‏
لم تبق أسيافهم منكم على ابن تقىً‏ فكيف تبقي عليهم لا أباً لهم‏
فلا وصفحك إن القوم ما صفحوا ولا وحلمك إن القوم ما حلموا
فحمل أمك قدماً أسقطوا حنقاً وطفل جدك في سهم الردى فطموا
لا صبر أو تضع الهيجاء ما حملت‏ بطلقة معها ماء المخاض دم‏
هذا المحرم قد وافتك صارخة مما استحلوا به أيامه الحرم‏
يملأن سمعك من أصوات ناعية في مسمع الدهر من إعوالها صمم‏
تنعى إليك دماء غاب ناصرها حتى أريقت ولم يخفق لكم علم‏
مسفوحة لم تجب عند استغاثتها إلا بأدمع ثكلى شفّها الألم‏
حنّت وبين يديها فتية شربت‏ من نحرها نصب عينيها الضبا الخذم‏
موسدين على الرمضاء تنظرهم‏ حرّى القلوب على ورد الردى ازدحموا
سقياً لثاوين لم تبلل مضاجعَهم‏ إلا الدماء وإلا الأدمع السجم‏
أفناهم صبرهم تحت الضبا كرماً حتى قضوا ورداهم ملؤه كرم‏
وخائضين غمار الموت طافحة أمواجها البيض بالهامات تلتطم‏
مشوا إلى الحرب مشي الضاريات لها فصافحوا الموت فيها والقنا أجم‏
ولا غضاضة يوم الطف إن قتلوا صبراً بهيجاء لم تثبت بها قدم‏
أبكيهم لعوادي الخيل إن ركبت‏ رؤوسهم لم تكفكف عزمها اللجم‏
وحائرات أطار القوم أعينها رعباً غداة عليها خدرها هجموا
كانت بحيث عليها قومها ضربت‏ سرادقاً أرضه من عزهم حرم‏
يكاد من هيبة ألا يطوف به‏ حتى الملائك لولا أنهم خدم‏
فغودرت بين أيدي القوم حاسرة تسبى وليس لها من فيه تعتصم‏
ياغادياً بمطايا العزم حملها هماً تضيق به الأضلاع والحزم‏
عرج على الحي من عمرو العلى وأرح‏ منهم بحيث اطمأن البأس والكرم‏
وحيّ منهم حماة ليس بابنهم‏ من لا يرف عليه في الوغى العلم‏
المشبعين قرى طير السما ولهم‏ في منعة الجار فيهم يشهد الحرم‏
والهاشمين وكل الناس قد علموا بأن للضيف أو للسيف ما هشموا
قف منهم موقفاً تغلي القلوب به‏ من فورة العتب واسأل من الذي بهم‏
جفّت عزائم فهر أم ترى بردت‏ منها الحمية أم قد ماتت الشيم‏
أم لم تجد لذع عتبي في حشاشتها فقد تساقط جمراً من فمي الكلم‏
أين الشهامة أم أين الحفاظ أما يأبى لها شرف الأحساب والكرم‏
تسبى حرائرها بالطف حاسرة ولم تكن بغبار الموت تلتثم‏
لمن أعدت عتاق الخيل إن قعدت‏ عن موقف هتكت منها به الحرم‏
فما اعتذارك يا فهر ولم تثبي‏ بالبيض تثلم أو بالسمر تنحطم‏

تمت
يناعي الموت... صيح ابصوت... او خَلّه يِسْتِحِن بيني...
انكِسَر ظري... شلي ابعمري؟... عَليمَن جا مخلّيني...
_ _ _ _ _ _

ابيوم الطف... شِفِت مأساة... تِخَل الهموم تمليني...
شِفِت عالغبره... أُخويه احسين... طاح او تنظُره عيني...
رِحِت أركض... عله التلّه... او يساري تِسْبُكَ ايميني...
_ _ _ _ _ _

صِحِت يحسين... يَبِن أمّي... يروحي او زهرة اسنين...
صِهيل الخيل... او هذا الكَوم... او عَطَش أيتامي ياذيني...
او عليل اهنا... او حَرَم واعيال... والنار ابصواويني...
_ _ _ _ _ _

يبو السجّاد... وانه وحدي... او دَمِع عيني يواسيني...
بَعَد إلمن... أوِن واشكي... او بعد يا هو يحاميني...
وابو فاضل... يَريت أُويه... سكنته سكّن اونيني...
_ _ _ _ _ _

صِحِت يحسين... إذا تسمع... ندايه او عايش اتجيني...
واذا مَيِّت... أَمُر حالي... او حياتي للكِتَب بيني...
او تِعَنّه احسين... ثلث خطوات... او سِقط فوكَ الثره احسيني...
_ _ _ _ _ _ _

او رِكضت اعليه... ابكَلب يلهب... او لهيبي وَج شراييني...
لكَيته ابدم... جَسَد غركَان... او غِدَت روحي تلاويني...
وِ اجروحي ... تِنِز آلام... او نفسي بي تعزِّيني...
_ _ _ _ _ _ _

ارفَعِت راسه... الزَمِت نحره... او كُمَشْت ايدينه بيديني...
او كَِلِلتله يا... بعد روحي... عَجَب تمشي او تخلّيني...
واذا بحسين... كَِضه نَحبه... و احاجي ما يحاجيني...
تمـــــــــــــت
قصيدة [ المصرع ]
.
.
يخوية بيا وجه طبت المدينة
شقول لاجل اللي يقول حسين وينه
شقول للي يناشدني من الناس
اخوج حسين وينه و وين عباس
اقول حسين ظل جثة بلا راس
وعباس القطعوا يمينه
غدت السيوف والرماح .. ووجه الغبرة دامي
والفرات انطفى وراح .. يجر ذنوبه ظامي
وظل امرمل حسين .. على الغبرة بونينه
وكل من شابح العين .. من اللي حز وتينه
من اللي فاقد احساس .. رجس من زُمرة ارجاس
يروح ويفصل الراس
××××××
ابو اليمّه ،، محد يمه ،، وحيد انسلبت عزومه
يجر ونه ،، اثر ونه ،، ويخضب شيبه بدمومه
رمى بروحه على جروحه طريح بوسطة الحومة
بقى موسّد تريب الخد عطيش وجبده محمومة
يون وراسه مكشوف .. من اللي يفري نحره
ولا واحد من الخوف .. شهر سيفه وتجرأ
لعد جسمه يقربون .. ويشوفونه بسَكينه
من الرهبة يفِرّون .. اذا نظروا في عينه
في عينه الهادي يظهر .. في عينه الزهرة تزهر
في عينه الوالي حيدر
محد يقدر ،، من العسكر ،، محد غير الشمر وحده
عدو ربه ،، حجر قلبه ،، عديم الغيرة شيرده
نوى ينحره وعلى صدره صعد بنعاله واتعدى
عدل راسه وأسف داسه ورفع رجله وركل خده
×××××××
تمــــــــــت
قصيدة [ إباء ]
.
.
فلئن أخرتني الدهور .. وعاقني عن نصرك المقدور
ولم أكن لمن حاربك محاربا .. ولمن نصَب لك العداوة مناصبا
فلأندبنّك صباحاً ومساءاً .. ولأبكيّن عليك بدل الدموع دماً

إن كان دين محمدِ لم يستقم الا بقتلي .. يا سيوف خذيني
هاي العقيدة بدمي بايعت الحسين .. دين الحسين وبثورته ثابت يقيني
××××××

على خطاك امشي يا عهدي الأولي .. وافديك انا بروحي وكل احبابي واهلي
كل نبضة من قلبي بجبيني ترسم .. انا عليُ بن الحسين بن علي
وعهد اللي بينك منحفظ وبينــي .. واللهِ لو قطعتُمُ يميني
وبلسان ابو فاضل إلَك حنيني .. إني احامي أبداً عن ديني
إني أنا العباس إغدو بالسِقاء .. لا أرهب الموت اذا الموت الرقاء
أُرجوزتي أنت بحياتي يا حسين
دين الحسين وبثورته ثابت يقيني
إن كان دين محمدِ لم يستقم الا بقتلي .. يا سيوف خذيني
هاي العقيدة بدمي بايعت الحسين .. دين الحسين وبثورته ثابت يقيني
××××××

حسين أنا عبدِ بيمينك سيدي .. أرجو بذاك الفوز عند المورد
ولو للحزن وللدم ألف جون ارتجز .. كيف يرا لفجار ضرب الأسوَدِ
وعند الوفا عباس ضل شعاري .. وانشودتي لو تنقطع يساري
يا نفس لا تخشي من الكفار .. وأبشري برحمة الجبار
آمنت انا بأبطالي نادوا للمحن .. ان تنكروني فأنا شبل الحسن
واتوحدت روحي ويه روحك يا حسين
دين الحسين وبثورته ثابت يقيني
إن كان دين محمدِ لم يستقم الا بقتلي .. يا سيوف خذيني
هاي العقيدة بدمي بايعت الحسين .. دين الحسين وبثورته ثابت يقيني
××××××

إلك أنا بحب العضيدك انتمي .. اقسم بالله الأعز الأعظم
ولو ما سقيت احساسي منك بالهوا .. ليُخْضبنّ اليوم جسمي بيمي
ويوم اللي تطلب يا إمامي ناصر .. إني حبيبٌ وأبي مظاهر
أتشكل بكيفك يا كل زماني .. سيف المحبة وشوقي للعساكر
آليت لا أقتلُ حتى أَقتُلا .. أو أن أُصابَ اليوم إلا مُقبلا
قلبي حبيبي نادي يا أغلى حبيب
دين الحسين وبثورته ثابت يقيني
إن كان دين محمدِ لم يستقم الا بقتلي .. يا سيوف خذيني
هاي العقيدة بدمي بايعت الحسين ... دين الحسين وبثورته ثابت يقيني
××××××

إذا يمر اسمك يغالي بمسمعي .. يشغلني احساسي وتثور ابمدمعي
واذا حسين تحولت فيك الزمن .. واللهِ لا يحكُم فينا ابن الدعي
اهواك ونهجك للشرف ضميني .. واسقي مآثر كربلاء بعُيوني
يا بو علي للأبد سرنا أمة .. يا نفس من بعد الحسين هوني
نحن وبيت الله ِأولى بالنبي .. يالثورتك عزمي وإباءك مذهبي
عمري الدهر حارِب خلودك يا حسين
دين الحسين وبثورته ثابت يقيني
إن كان دين محمدِ لم يستقم الا بقتلي .. يا سيوف خذيني
هاي العقيدة بدمي بايعت الحسين ... دين الحسين وبثورته ثابت يقيني
تمت
إلى زيارة الحسين الشوق ناداني .. الشوق ناداني
واليوم يوم الأربعين دمعت عيوني .. دمعت عيوني

بها اليوم أصيح بكل سنة منفجع قلبي .. منفجع قلبي
ويحن ضميري للضريح يعتلي نحبي .. يعتلي نحبي
ولهان أريد زيارته خذني يا ربي .. خذني يا ربي
أريد أزوره بكربلا واطفي ونيني .. واطفي ونيني
واليوم يوم الأربعين دمعت عيوني .. دمعت عيوني
~~~~~~~~~~
في كل عام ٍ سيدي ليلة القدر .. ليلة القدر
بعد الزيارة والدعاء لمطلع الفجر .. لمطلع الفجر
يحن قلبي والفؤاد فاقداً صبري .. فاقداً صبري
انحب على ناري و انوح با هلي واطفالي .. با هلي واطفالي
واليوم يوم الأربعين دمعت عيوني .. دمعت عيوني
~~~~~~~~~~
هنياله من زار الحسين محتسب هاليوم .. محتسب هاليوم
لو ودي صرت بكربلا لو نسم مشموم .. لو نسم مشموم
لو أحظى لحظه بشوفته تنكشف الهموم .. تنكشف الهموم
ودي أزوره و مدمعي تجري بجفوني .. تجري بجفوني
واليوم يوم الأربعين دمعت عيوني .. دمعت عيوني
~~~~~~~~~~
محلا القباب الزاهرة لي زهت بالعين .. لي زهت بالعين
والنور ساطع للسما يرسم اسم حسين .. يرسم اسم حسين
محلا العلم اللي يرف بقبته صوبين .. بقبته صوبين
محتار و ابجي بحسرتي ينخطف لوني .. ينخطف لوني
واليوم يوم الأربعين دمعت عيوني .. دمعت عيوني
~~~~~~~~
تمــــــــــت
أوصل زحف لحسين

خذ ولائي كربلائي
لو تعبن الرجلين أوصل زحف لحسين
خذ ولائي كربلائي

مجنون وحُبك علمني ما ساوم واخضع هيهات
هيهات الذِّلة إتعاشرني والمات إبدربك مامات
چم طاغي الحاول يمنعني وأرفع رآيات الثارات
لبيك الحد گطع المنحر صوت الدم يصنع ثورات

في دمائي يا رجائي
أثبت أُوصول الدين أوصل رحف لحسين
خذ ولائي كربلائي

شايل يوم الطف بعيوني وإبجفني إتنام الأحزان
نتعلم من هذا المنبر نصنع ثورة على الطغيان
ملتزمين بهاي الخدمة بس هالخدمة إتعلي الشآن
وحسين اليرفع خدّامه وإيخلي الخادم سُلطان

في حياتي أو مماتي
وي لهفت الماشين أوصل زحف لحسين

خذ ولائي كربلائي
لو تعبن الرجلين أوصل زحف لحسين
خذ ولائي كربلائي

مشايه إتگصدك أنصارك عالعاده ورغم الأخطار
كل گطره السالت من نحرك أُنشودة ابدرب الأحرار
كل دمعه إبدربك محسوبه وإبكل خطورة إنصيح الثار
ويتمنه العباس اچفوفه من يسمع صوت الزوار

لاح ضيفي أين كفي
وينادي دمع العين أوصل زحف لحسين

خذ ولائي كربلائي
لو تعبن الرجلين أوصل زحف لحسين
خذ ولائي كربلائي

وإبدرب الطف لاحت رآيه رفّت بكثر من تصريح
تهتف لبيك وثار الله وين إتميل يهب الريح
رآيه وچف حيدر لازمها من إطيح الگاع إطيح
أصغي وإسمع صوت الرآيه وينك هاا يالمهدي إتصيح

شبلُ حيدر حين يظهر
وينادي بالضلعين أوصل زحف لحسين

خذ ولائي كربلائي
لو تعبن الرجلين أوصل زحف لحسين
خذ ولائي كربلائي

مولاي إبخدمت زوارك صارت محسوده الخدّام
كل ظنه الظالم يرهبني من صدّر حكم الإعدام
أتلگى الزاير بدموعي هاك ارموشي إتغطى وانام
أتشرف بتراب اجدامك وصفة إترابك للآلام

قطعُ نحري تاجُ فخري
وينه المنعني وين أوصل زحف لحسين

خذ ولائي كربلائي
لو تعبن الرجلين أوصل زحف لحسين
خذ ولائي كربلائي

من إبعيد الگبرك أمشي وأسبح من دمعي المسفوح
وأسمع صوت يجر ابروحي وچف مگطوع هناك يلوح
يستقبل زينب والعيله والموعد يم المذبوح
وإنواسي السجاد إبصبره وإنداوي الگلب المجروح

صاح قلبي إي وربي
لو بالعمر يومين أوصل زحف لحسين

خذ ولائي كربلائي
لو تعبن الرجلين أوصل زحف لحسين
خذ ولائي كربلائي


متيم باسم الكربلائي
عضـو شـرف
عضـو شـرف
Posts in topic: 1
مشاركات: 7997
اشترك في: الثلاثاء يناير 18, 2005 3:57 pm
الراية: أخ حسيني

مشاركة غير مقروءة بواسطة متيم باسم الكربلائي » الخميس يناير 08, 2009 3:08 am

بسم الله الرحمن الرحيم
اللهم صل على محمد وآل محمد


عظم الله اجركم

أحسنتم اختي الكريمة بارك الله بكم
ثارات الزهراء المظلومة
عضـوة شـرف
عضـوة شـرف
Posts in topic: 1
مشاركات: 11808
اشترك في: الأربعاء أغسطس 02, 2006 5:22 pm
الراية: أخت زينبية
مكان: في ظل الزهراء

مشاركة غير مقروءة بواسطة ثارات الزهراء المظلومة » السبت يناير 17, 2009 2:55 pm

بسم الله الرحمن الرحيم
اللهم صل على محمد وآل محمد وعجل فرجهم

صوت الشيخ مصطفى الموسى شجي وحزين

احسنتم وبارك الله فيكم

موفقييين بحق محمد وال محمد

نسألكم الدعااااء
خادمة اهل البيت1
مهدوي مبتدئ
مهدوي مبتدئ
Posts in topic: 1
مشاركات: 15
اشترك في: الثلاثاء مايو 26, 2009 4:20 pm
الراية: أخت زينبية

مشاركة غير مقروءة بواسطة خادمة اهل البيت1 » الخميس فبراير 18, 2016 2:06 am

بسم الله الرحمن الرحيم
وصل اللهم على محمد وآل محمد الطيبين الطاهرين

جزاكم الله خير الجزاء
أضف رد جديد الموضوع السابقالموضوع التالي

العودة إلى ”واحة الصوتيات“