لطـميات لــ ملـه بـاسم مكتــوبه

[ابو مهند السلامي النجفي]

السلام عليكم ورحمة الله وبركاته..
اللهم صل على محمد وآآآل محمد وعجل فرجهم واهلك اعدائهم يالله ...
أمن يجيب المضطر إذا دعاه ويكشف السوء
أمن يجيب المضطر إذا دعاه ويكشف السوء
أمن يجيب المضطر إذا دعاه ويكشف السوء
اللهم بحق محمد وأنت المحمود ،
وبحق علي وأنت الأعلى ، وبحق فاطمة وأنت فاطر السماوات والأرض ،
وبحق الحسن وأنت المحسن ،
وبحق الحسين وأنت قديم الاحسان
اللهم يارب الارباب ياصاحب السحاب يانور السموات والارض
ان تمن عليها بقضاء حوائجها بحق باب الحوائج والتغلب على
من عاداها يامجيب الدعاء اغفر لمن لايملك الا الدعاء ..
ان تمن على خادمة العترة الطاهرة
الكاتبة القديرة الولائية ام ابيها
بشفاعة المصطفى وآله الطهار عليهم افضل الصلاة والسلام
وتمن عليها
بالصحه والسعاده وتجنبها كل سوء يارب
وتجعلنا واياها وجميع من شارك في هذا الصرح الحسيني
يارب من انصار الحجه عجل اللهم فرجه الشريف
نسالكم الدعاء

[UM ABIHA]

بـــاسم الكربــلائي


كل قطرة دم بشرياني تهتف باسمك يا حسين روحي اشلون تظل بجسمي من اذكر جسمك يا حسين
جسمي مو اغلى من جسمك دمي مو أغلى من دمك

**********
يا هل العايش على ارموشي حلم كل لحظة يتجسم
سحر شوقك يا بو الأكبر يسايرني بخلايا الدم
جسد و اتمثلك كوكب اصد لجروحك اتوهم
أشوفن كل جرح منك ثغر للدنيا يتبسم
عجيبة تندبح ضامي يا من كل عين الك زمزم
و الأعجب تنزف اجروحك و أنت الكل جرح بلسم
دنيانة المشغوفة بحبك بيك اتغنت يا حسين
مو بس العابس جنيته كلها انجنت يا حسين
كلها غدت تلهج باسمك دمي مو أغلى من دمك

*********
لون عابس وقف بالطف يصيح الشوق جنني
ملايين أصبحت مثله لونك عنها تسألني
عِشاكَة و كل فرد منهم غِدى بعابس يذكرني
و كلمن انشده يجاوب يقول احسين هيمني
و أنا بعالم لهيب الطف سيوف الهم يبارنّي
عجيبة يوذرنّ جسمك و لا مثلك يوذرّني
شبهت اجروحك بعيوني و الدم يجري يا حسين
و الحافر ما هشّم صدرك هشّم صدري يا حسين
و آنا ريت انصرع يمك دمي مو أغلى من دمك

***********
حليف الهم كلف يقدر دليله بصبره يتورع
على مصابك يا بو اليمة وراعة قلبي ما تنفع
تريد اصبر اشبعد اصبر و اشوفك دامي بالمصرع
اشتظن جفن المحب يغفى و حبيبه اعلى الثرى مقّطع
يا بو الأكبر لون يذبُل نخبره بحلك و يسمع
يفتت كل صخر غيضه و يجود اعليك بالمدمع
لو يسمع بمصابك يذبُل جَان اتفطر يا حسين
و اشلون آنا العاشق و اصبر بيش اتصبر يا حسين
و آنا همي بكثر همك دمي مو اغلى من دمك

*********
الحديد اتلين الداوود عجيبة اعليك يتصلب
و يصير اسيوف و يقطع جسد فوق الثرى امخضب
الشمس لو مر عليها الغيم بثياب الخجل تتحجب
اشعجب ما غابت و جسمك تشوفه بكربله مترب
عجيبة الماي ظل يجري و لا عن خجل يتنضب
و يشوفك ضامي و بكتره دليلك بالعطش يلهب
بهذا الماي اشلون اتهنا و قلبك ضامي يا حسين
اشلون اتنام الليل اعيوني و جسمك دامي يا حسين
بروحي و بدمي أخدمك دمي مو أغلى من دمك

*********
لون خيّم عليّ ليلي بسواد العاشر اتذكر
صور عن ليلة العاشر اعيش وياها و اتحسر
اعانكَ لجمة اجروحي بفضاوة قلبي و اتصبر
و لا صحوة سِمه بعيني تريضني يا بو الأكبر
سوادت ليلي ترسم لي وداعك ويه هالحدر
و اشد اعلى الحزن حيلي لون خيط الفجر أسفر
كل مصباح اتذكر يومك يوم العاشر يا حسين
بس موجات المدمع ترحم قلبي الشاجر يا حسين
دمعي دم يجري و يكلمك دمي مو اغلى من دمك

*********
صرت كلما أصد للنار أذكر جمرة اخيامك
و لون اسمع طفل يبجِي أنوحن و أذكر أيتامك
و إذا مني عضو اتألم أهيم بسجَت ألآمك
و إذا يومي يخالفني أون لمخالف أيامك
أنا و كل اهلي و اصحابي نذر لتراب أجدامك
يا غالي و أغلى من عمري رخيصة اعيوني جدامك
روحي و جسمي و شما املك باسمك صاحن يا حسين
و كل ذرات العالم مثلي لجلك ناحن يا حسين
دمي لو تطلب أسلمك دمي مو أغلى من دمك

جــابـر الكاظمي

[UM ABIHA]

بسم الله الرحمن الرحيم
وصلى الله على محمد وآل محمد الطيبين الطاهرين

حيــا الله مــولاي ابــو مهنــد

1000 شـــكر للــ دعـاء المخلــص وللـ مرور الكريم الذي اتشرف بــه

كل الهــلالالا مــولاي

[UM ABIHA]

بــاسم الكربــلائي


قلبك سفينة نوح يا خمس أهل النوح
ببحر المصايب شفت العجايب
يا خامس أهل النوح
***
أساطيل الحزن خمسة بدايتهم نبي آدم
خرج من جنة الباري بنحيب وحسرة و اتندم
يعيش بلهفة كل عمره و بقى يعاني الحزن والهم
لجن ما شاف أهل بيته ضحاية مخضبين الدم
وأنت بقلب مجمور عالغبرة شفت بدور
بقاع النوايب شفت العجايب
يا خامس أهل النوح
***
إذا عددنا هالخمسة الأول آدم بعصره
وثانيهم نبي الله نوح الوالف الحسره
ينوح وينحب لقومة ويلوج ويسفح العبره
نوح اسمه على اسم النوح يحن وينوح كل عمره
مهما يقاسي هموم مالاقى يمه جسوم
فوق الترايب شفت العجايب
يا خامس أهل النوح
***
رواية تقول هالخمسة ثالثهم نبي يعقوب
يوسف غاب عن عينه وعلى فراقة يحن ويلوب
حتى بيضت عيونه وبقلبه الجمر منشوب
وبتالي المطاف وياه تلاقه و حقق المطلوب
وأنت فقدت أحباب ما عود الي غاب
چم وال غايب شفت العجايب
يا خامس أهل النوح
***
غدى تراب البكاء أمك فاطمة البضعة
لمن سمعت الناعي بمصاب المصطفى ينعه
غلى فقده انهضمت الزهرة وغدت لفراقه منفجعة
بنوا بيت الحزن إلها وأبد مابطلت الدمعة
و أنت بدمع مسفوح مثل الوديعة تنوح
يبن الأطايب شفت العجايب
يا خامس أهل النوح
***
آدم ما بجى مثلك ولا نوح بدمع هامر
ولا يعقوب مثلك ناح على مفقوده بقلب شاجر
أظن بس أمك الزهرة بجت مثلك يبو الباقر
حفر دمعة أخاديده على خدك من جفن ساهر
وش تنسى يا السجاد من طاحت الأجساد
فقد الغوالب شفت العجايب
يا خامس أهل النوح
***
مصابك يا علي السجاد مثيله على البشر ما مر
على يمينك تصد تنظر جثث وتوزعت بالبر
على يسارك تصد شتشوف خيم بيها اللهب يسعر
وجادمك تصد تلقى يتامى مذعرة وخدر
خوف وعطش وأخطار خيل و لهيب النار
بحرق المضارب شفت العجايب
يا خامس أهل النوح


جــابــر الكاظمي

[UM ABIHA]

بــاسم الكربــلائي


يا قلبي يا صابر عليمن تكابر
بعد ليلة وحدة وحبيبك يهاجر

شيطيب جراحك ويا طلعت صباحك حبيبك يهاجر

ياريت يطول ليلي والنجم يطفح شلي بمصباحي ريت الصبح لا صبح
الصبح تبدي المدامع عالأهل تسفح اذا جّمال أهلنا بالضعن طوح
أنصحك بالصبر يا قلبي المجرح صعوبة بهالوقت تلقى الذي ينصح

بدت نايباتي تقرب وفاتي وأبوي الأوده أعز من حياتي
يهيج نياحك ويا طلعت صباحك حبيبك يهاجر
---------------------------------------------
شحلاته العمر لو ظل والدي يمي اذا يتركني يتركني لثقل هضمي
كنت اقعد وياه بيقظتي وحلمي يقلي يا سما الفرحه وسحر نجمي
من أشوفش افرح وينزاح كل همي اسمش فاطمة واسمش اسم امي

ياقلبي بخيالي تطوف الليالي أبويا وحبيبي شكثر عندي غالي
رواحه ورواحك ويا طلعت صباح حبيبك يهاجر
---------------------------------------------
شعلامك يا قلب تتصيد الأحزان وتعثر بالنبض وتسندك الضلعان
أبويا هنا وأشوفك ناحل وذبلان شيصبر حالتك لو سارت الركبان
شكثر ظيم وقهر شايل يابو الأشجان تكابر عالهضم يا فاجد الخلان

على فرقت خليلك مصايب تجيلك ماينفع يقلبي نداك وعويلك
شينفعك صياحك ويا طلعت صباحك حبيبك يهاجر
----------------------------------------------
شكثر يا قلبي من أيامك تحاذر على حروف التمني عايش وصابر
ياريت يظل أبوي وياي للآخر بلا كلمة يابوي عنش مسافر
ياريت وياه أروحن لمن يهاجر بلا دمعة وداع وكسرة الخاطر

ياقلبي وأريدك تعاين بعيدك واظن حتى صبرك بعد مايفيدك
تصيبك رماحك ويا طلعت صباحك حبيبك يهاجر
----------------------------------------------


فجر باجر يبادر والدي بمشاه وكل العيله تتبع هجرته ومسراه
بعد ما يبقى والي ولا سند أرجاه حتى البمهد يرضع يروح وياه
وأظل أنا وحيدة مرافقتني الآه أناحب بالقهر وبلهفة الويلاه

بلهيب أنتظاري يموت اسصتباري تشيعك ياقلبي طيور البراري
يتكسر جناحك ويا طلعت صباحك حبيبك يهاجر
-----------------------------------------------
اذا شد الرحال وهاجر الوالي ألف حسبة تمر باجر على بالي
أشوف البيت يصفى من الأهل خالي وأقوم اذكر وجه كل غالية وغالي
وأقولن كانت هنا سكنة تبرا لي هنا كانت رقية تقعد قبالي

هلي اللي أودهم تظل روحي عندهم اذا فارقوني أموتن بعدهم
يموت انشراحك ويا طلعت صباحك حبيبك يهاجر
----------------------------------------------
برمش عيني انسجت جلباب أحزاني سقيت المنحل بدمعات أشجاني
عسى جفوف المصيبة تخيط أجفاني قبل هالسفره ريت الناعي ينعاني
وأخر كلمة بيها ينطق الساني أموت ولا أودع ظعن ولياني

جمر حزني هايج واصد للهوادج عليلة بمصابي أنازع و أعالج
يتخيب طماحك ويا طلعت صباحك حبيبك يهاجر

جــابــر الكاظمي

[UM ABIHA]

بــاســم الكربـلائي

. يا الرايد الروح ..


يالرايد الروح روحي خليها - ماعندك أثمان حتى تشريها
وبلا ثمن للمجتبى روحي أهديها

صوت الأمل صاح - إسمعني يا صاح - وإسمع أقوالي
هذا إنت شراي - يا صاحب الراي - إفهم التالي
لو روحي تختار - ما إلها أسعار - والسعر غالي
شما تدفع أموال - ما تغير بحال - فكري وأعمالي
ليا مصدر هويت إسمع جوابي - للعترة واليت كلهم أحبابي
ولرابع أصحاب العبى روحي أهديها

أهوى الميامين - هم البراهين - لليواليهم
وبحبي معروف - دلالي مشغوف - وإنفتن بيهم
لو روحي يردون - وشما يطلبون - عمري أنطيهم
لو مهجتي إنطيت - لو عمري ضحيت - ما أجازيهم
حب الحسن بيه كعبة ظنوني
شما يطلب أنطيه وأرخص عيوني
للي هداني الموهبة روحي أهديها

لدرب الحسن جيت - وبسيرته مشيت - وتبعت أمره
وإلي يعذلون - چانوا يريدون - أعكس المسرى
عرضوا إلي كنوز - گالوا ولك جوز - إترك العترة
شما تهوى ننطيك - شتطلب نوافيك - الواحد بعشرة
رفضت وصحت صوت ما أمل منهم
لا والله للموت ما أصد عنهم
لعترة الهادي الطيبة روحي أهديها

هالسائل يگقول - عترة المرسول - يا إلتواليهم
عاقد أمل بيش - وتمسكت ليش - گلت له تدريهم
هالوادم أصناف - ولو ما هالأشراف - منهو يهديهم
كعبتها أوثان - وعلى الجهل چان - يحدي حاديهم
بالعترة هالناس ربنه نجاهم
إلهم رفع راس مكرمة إنطاهم
وآنه إهتفت لأهل الإبى روحي أهديها

كلهم ميامين - وتعطر الدين - بزهرة الوادي
عطر الحسن فاح - أول بدر لاح - لعترة الهادي
بإحسانة مشهود - تشهد له بالجود - حاضر وبادي
نسمع نداءات - نبرة كرامات - تغني وتنادي
نهج الحسن صار مصدر أفراحنه
ويخلد آثار تحيي أرواحنه
وآنه ويا نسمات الصبا روحي أهديها

جــابـر الكاظمي

[UM ABIHA]

بــاسـم الكربــلائي

النوايب صوبني النوايب صوبني
عليل ونايبات الطف لوني
أونن والمصايب محني
***
هدم حيلي حزن قلبي ومصابي
دمع عيني رسم صورة عذابي
على قبور الأهل نوخ رجالي
مرام الطف رمني ولوعني
***
صرت أتمنى موتي ولا حياتي
ضهد عزمي مصاب نايباتي
صدع جبدي يسر عمتي و خواتي
يساره و بالمناحة يناوحني
***
عليل الطف تراني وهذا حالي
فطر قلبي هضم جور الليالي
فجعني المايمر جان على بالي
ربيبات النوايح ذوهنني
***
عليل أنحب وأجر ثقل المصيبة
أناحب والقلب يفقد نحيبة
سبح دمعي على قبور الشبيبة
حنيت وهالشدايد ما رعني
***
أجيت لقبر أبويه وجبدي شاجر
نحت والدمعة تجري من المحاجر
أصد له وشوفته تصيب النواضر
محن نوح الحراير حيرني
***
عليل وهالدهر دبني ورماني
مثل موج البحر هضمه علاني
تراني بلا نفس عايش تراني
ورمي سهام الفواتح شجرني
***
اخلصت يم الفجيعة وانتهت لي
ولا بالدنيا نايح نوحه مثلي
صحت يادمعتي على الوجنه هلي
تجاوبني الفجايع نشفني

جــابـر الكاظمي

[UM ABIHA]

بــاسم الكربـلائي

إفرح يا المحب إفرح يا مولانه أمتنا بعلي السجاد فرحانه
كل عترة محمد حاضرة ويانه

* * * * * * * * * * * * * * * * * * * * *

إســمع صـوت بـاسم خـادم المنبر يـــروي لــك روايـــة و جـابـر المصدر
هــذا الـيوم أشــرف حـــدث يـــقرر و الـكون بــعـلـي الــســجــاد يــتنـور
لا تسألني منهو بهل الحفل يحضر حاضروا فاطمة و جده الـنبي و حيدر
هــالأشـعار تـعجر تـوصـف الـمنظر و حــروف الـقــوافــي كـلـها خجلانـه


* * * * * * * * * * * * * * * * * * * *

بــأمـواج الــعواطـف غرقت الأفكار خجلانه الـقوافي و عــجزت الأشـعار
لا تلوم الفكر لو شفته ظـل محتار جن عيني تـشـوف بعـالـم الأســـرار
بالمجلـس ويانـه حـاضر الــمختـار جالس عن يمينه الـمـرتضى الــــكرار
جلـست عـن يساره جـدة الأطهار بـنـتـه الــزهـره بـالألــطـاف تــرعـانـه



* * * * * * * * * * * * * * * * * * * * * *

إسمع ياالمحب من قبل ما تسأل حتى الحسـن هم حاضر بهل المحفل
جـن عـيني لأبـو السجـاد تتمـثل حــاضـر حــفلـة إبـنـه و عـينه تتبـهلل
حـفلتـه زهـيـة بــعتـرة الـمرسـل جنها شـموس تـزهي و عيني تتأمـل
هالعترة مدحها المصـحف المنزل ذاكــرهـا الإلــه بـســـــــور قـــرآنــــه



* * * * * * * * * * * * * * * * * * * * *

هــذا مـــولـــد الــسـجاد ننتظره يـــا الــــمؤمـن و إنــت بــواجـبـك أدره
شــارك بالفـرح هـادينه و الـعتره أول لأهــل مـحمــد قـــدم الــــبشـره
للـــكرار بـعــده وجــه الــنـظـــره قــله شـعـيتك هـــالليــلة مـبتـشـره
قــدم الـتهانــي لـفاطمة الـزهره قـلـها الشــيعة كـلها الـيـوم نـشـوانه


* * * * * * * * * * * * * * * * * * * * *


هاي الفرحة شملت مجمل الأمه كـلــــها بـمولــد الــسـجاد مــبتسمه
قــدمنا الــتهاني للــحسن عــمه و عقـدنه الـمحافل بـإســم أبـو الـيمه
هـاللـيلة ولادة سـادس الـعـصـمه قـلـب حسـين لأبـوه إنــزال كـل هـمه
قالوا شسمه جوابهم علي إسمه علـي الـسـجاد إســمه و هــذا عنوانه


* * * * * * * * * * * * * * * * * * * *

أروي لـك روايـة و الـخبـر مـسـنود بـكتـاب الـبحـار تـشـاهـــده مــوجــود
قـال حسـين لـو عندي ألف مولود كـلهم أسـميـهم علي بـإسمي العود
هـذا الإسـم خصه الخالق المعبود و إبـــرج الــمعالــي هـالإســم شهود
كـفـك يـا علي السـجاد بحر الجود يــالإسمك عـلي و هــالإســم بـدمانه


* * * * * * * * * * * * * * * * * * * *

إســمك يـا عـلي بـلسم يداوينه نـهتـف يــا عــلي لآخر نـــفــس بينه
جـدك عـلي الـنـاصر دين هادينه و إنــت وارث إســمه و كـل مـضامينه
فضلك يـا عـلي السـجاد يـكفينه يــا عـــابد لـكـل عـابــد صــرت زيـــنه
نــختـمها بــدعاء و نـرفع إيـديـنـه يــرزقـنا شــفــاعــة عـلي و إحسانه

جــابر الكاظمي

[UM ABIHA]

بــاسم الكربـلائي
بريد القلب

بريدُ القلب وافاكَ يا مهدي**سئمتُ العيشَ لولاكَ يا مهدي
و عين الله ترعاكَ يا مهدي**********
أظل بإسمك أردد يا بدر ليلي**بحبر دمعي الك أكتب مراسيلي
(موعودٌ)من الأصلابِ نهواكَ(موعودٌ)**متى نحيى بلقياكَ(موعودٌ)
و عين الله ترعاكَ يا مهدي
***********
بريدُ القلب وافاكَ يا مهدي**سئمتُ العيشَ لولاكَ يا مهدي
و عين الله ترعاكَ يا مهدي***********
ذبل غصني بهجير الظيم يالمهدي**اشوَكِت غيمك علية بمطرته يندّي
(في قلبي)جعلتُ الحبَ أفلاكَ(في قلبي)**شعاعٌ من مُحيّاكَ(في قلبي)
و عين الله ترعاكَ يا مهدي
************
بريدُ القلب وافاكَ يا مهدي**سئمتُ العيشَ لولاكَ يا مهدي
و عين الله ترعاكَ يا مهدي***********
أمل عندي اشوفك و أحتمي بسدَّك**و يكحلني الوميض اليبدي من خدَّك
(معشوقٌ)مدارُ الحبِ عيناكَ(معشوقٌ)**و كيف القلبُ ينساكَ(معشوقٌ)
و عين الله ترعاكَ يا مهدي
************
بريدُ القلب وافاكَ يا مهدي**سئمتُ العيشَ لولاكَ يا مهدي
و عين الله ترعاكَ يا مهدي***********
احمَلِت فكري و شعوري بهودج اسرارك**و لا أدري تقيم بيا ارض دارك
(محجوبٌ)متى نحظى برؤياكَ(محجوبٌ)**شعاع القلبِ مرماكَ(محجوبٌ)
و عين الله ترعاك يا مهدي
*************
بريدُ القلب وافاكَ يا مهدي**سئمتُ العيشَ لولاكَ يا مهدي
و عين الله ترعاكَ يا مهدي***********
اذا تفرح تهيم بفرحتك روحي**و اذا تحزن تهيَّج ساكن جروحي
(موتورٌ)و يوم الطفِ أبكاكَ(موتورٌ)**أتنسى الوِترَ حاشاكَ(موتورٌ)
و عين الله ترعاكَ يا مهدي

جــابر الكاظمي

[UM ABIHA]

بــاسم الكربـلائي


هاي امي الربتني *** ولهذا الموقف رادتني
بالمدمع نادتني *** وياك استشهد وصتني
حان الموعد *** خل استشهد

هذي مفاوز كربلا *** هاي الحرب ياعمي
وهذي وصيه والدي *** شجعتني نخوه امي
مهموم وادري التضحيه *** تكشف سحابه همي
تتناثر ازهار الفرح *** حين يتناثر جسمي
مو وكت شمعه ولا عرس *** وكت انتصاري وعزمي
وامضت الصارم شمعتي *** والحنه تصبح دمي
من اوكع بالمصرع *** اوفي بكل حقوق المرضع
والام الرضعتني *** ويا استشهد وصتني
حان الموعد *** خل استشهد
****************************************
خيل وزلم من كل كتر *** وسط الحرب مجموعه
وادم اجت للمعركه *** لاتعس هدف مدفوعه
بيض الهنادي ملوحه *** وهاي السمر مشروعه
ياعمي ارخص لي اطب*** وخمد سعير اللوعه
هالساعه مو ساعه شمع*** للعرس طفوا شموعه
وجفن امي عاهد لو متت *** يحبس مسيل دموعه
والواعي بتفكيره *** يتمسك باعراف الغيره
والغيره الدفعتني *** وياك استشهد وصتني
حان الموعد *** خل استشهد
********************************************
يحسين ياعمي واظن *** ترخص لي لو ردت اطلع
هزتني لاجلك غيرتي*** وللذبح نحري تطوع
لهساعه ذاخرني الحسن *** هذي وصيته وتسمع
ناداني لو عمك يظل *** وحده ويشح المفزع
ضحي له يبني برقبتك *** وعن مبداك لاترجع
واعدني يحضر والدي *** لو طحت وسط المصرع
عاهدته وعاهدني *** ابرز وبعينه يشاهدني
وعهوده الشجعتني *** وياك استشهد وصتني
حان الموعد *** خل استشهد
*********************************************
يحسين ياعمي وبعد *** شتنطر شنهو التالي
وحدتك بالطف هدمت *** حيلي وتغير حالي
خليني ابرز للوغى *** ويصفر شعاع هلالي
لو مانعتني من الحرب *** تصدع ركن امالي
شلون اصبر وشبلك على *** طايح صريع قبالي
دم ابنك ارخصته شتظن*** دم بن خوك الغالي
خل ابرز لعسكر *** اخذ منهم تار لاكبر
والحاله الهظمتني *** وياك استشهد وصتني
حان الموعد *** خل استشهد
****************************************
جاوبه حسين بدمعته *** غير ياجاسم فكرك
بعدك بزهره دنيتك *** شنهو الشفت من عمرك
بأول شبابك ماردت *** كربلا تغيب بدرك
بيك انظر اوصاف الحسن ***لمن عيوني تنظرك
ارجع ياجاسم للخيم *** وامك اظن تنتظرك
منهو اليصبر الوالده ***لو شاهدت دم نحرك
شلون ارجع لخيامي*** والاكبر طايح جدامي
وامي الي بعقتني *** وياك استشهد وصتني
حان الموعد*** خل استشهد
****************************************
جاوبه جاسم يالقلت *** اقصد ياجاسم لمك
هي ال دعتني لنصرتك *** قالت لي انصر عمك
وقالت ياجاسم لاترد *** خوض المنايه بعزمك
وخليني انضر بالحرب *** يم جسم الاكبر جسمك
وقالت لي روح لقاطمه *** صوغه اخذ من دمك
والزهرا من دار الخلد *** ضلت تردد بسمك
هاي الام تتمنه *** تشوف جفوفي بدم تتحنه
عالمذبح دلتني *** وياك استشهد وصتني
حان الموعد *** خل استشهد
**************************************
حادي المنايه بكربلا ***يردد بموتي ويحدي
يا عمي ماظل كل امل *** بس هالامل ظل عندي
استشهد بسوح الحرب *** وامضي لمحمد جدي
وعالكوثر القى المرتضى *** ويطفي الجمر من جبدي
واعتني لمك فاطمه *** وتجلي الترب عن خدي
واقصد واقبل والدي *** واهتف وفيت بعهدي
الوالد يسألني *** وعنك ينشدني ويسالني
هالرحمه الشملتني *** وياك استشهد وصتني
حان لموعد ** خل استشهد
******************************************
هاي امي الربتني*** ولهذا الموقف رادتني
بالمدمع نادتني *** وياك استشهد وصتني
حان الموعد *** خل استشهد


جــابر الكاظمي