• المدير العام
  •  
    بسمه تعالى
    ما نزال نعمل على تحديث المنتدى والستايل , جميع الخطوط والصور ستغيير باستمرار الى ان يكتمل التحديث ان شاء الله
    دمتم موفقين
     

لطـميات لــ ملـه بـاسم مكتــوبه

المشرف: ابو مهند السلامي النجفي

صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

#1 لطـميات لــ ملـه بـاسم مكتــوبه

مشاركة غير مقروءة بواسطة UM ABIHA » الثلاثاء مارس 30, 2010 8:13 pm

صورة


الســــلام عليكم

ســـاجعل هــذه الصفحــه كــ ملف للــ طميات المكتــوبــه للــ ملـه بــاسم الكربــلائي حفظه الله حتى يســهل للـ عضو او الزائــر

الحصـول على مبتغــاه مـن كل اللطميـات:::



الرادود الحسيني الملا باسم الكربلائي ..


فدوى لحسين أقدم كل بنيني

وأنسى الهموم لو أن سالم يجيني

بعد شصبر وتاني .. كسر قلبي زماني
بعد شصبر وتاني .. كسر قلبي زماني



فدوى لحسين أقدم كل بنيني

عمري قضيته .. أنا منتظرك .. حلمي إخلاصي .. هو اللي يفسرك

والله لو عندي .. من الولد عشرة .. كلهم أهديهم .. فدوة للزهراء
عالسراط أعبر .. وأنا مفتخرة .. وبوجه أبيض .. لأني مبتشرة
أنا أدري لبو اليمة وفائي .. باجر آخذ من الزهراء جزائي
لجن هايج حناني .. كسر قلبي زماني

لجن هايج حناني .. كسر قلبي زماني

ودعت صبري .. بيوم ودعته .. من مشى عني .. ليلي مانمته
واليجي والراح .. عنه ناشدته .. ينعى ناعيه .. لمن إسمعته
صحت ياناعي .. حيلي هدمته .. بالله خبرني .. حسين هم شفته
من عرفني وعرف غاية سؤالي .. لا علم صاب صفق بيده وبجالي

بعد ذيج الأماني .. كسر قلبي زماني
بعد ذيج الأماني .. كسر قلبي زماني

إحتار شيقلي .. من نظر حالي .. حرمة مهظومة .. بحسرة الوالي

راحت أولادي .. بيتي ظل خالي .. غير أبو السجاد .. ما إجئ ببالي
فدوة أولادي .. لو إجئ الغالي .. لو فقدت حسين .. أفقد آمالي

عني لو راح بعد شاللي بحياتي .. قبله ياريت تحل ساعة مماتي
سهم فقده رماني .. كسر قلبي زماني
سهم فقده رماني .. كسر قلبي زماني


مصاب فقد حسين .. ماكو مثله مصاب .. جدد عليا .. حزن يوم الباب
عاشرت نوحي .. دمعي السجاب .. جبدي ياريته .. قبل جبده إنصاب
جرح البقلبي .. ينزف وما طاب .. تهمل دموعي .. ذكره من ينجاب
غالي عندي ولا ساعة نسيته .. بالمناحة العمر كله قضيته

لمن موتي لفاني .. كسر قلبي زماني

لمن موتي لفاني .. كسر قلبي زماني




قابلت زينب .. باللطم والنوح .. قمت أنشدها .. والدمع مسفوح

من القفت قلي .. منحره مذبوح .. مسلبة هدومه .. وجسمه كله جروح
عالرمح راسه .. ويا ضعني يلوح .. وأنا أقول شلون .. بيا ظلت روح
من سمعت بخبر أمه الوديعة .. لإبني عباس تعنت للشريعة

تقله أمك آني .. كسر قلبي زماني
تقله أمك آني .. كسر قلبي زماني

جان كل ظني .. لو يذبني البين .. أنتخي بعباس .. والعزيز حسين
بين اليغمض .. بيده جفن العين .. بين اللي يقلي .. يا أمي شتوصين
قطعت قلبي .. قطعت الجفين .. بعد يا هالناس .. صبر أجيبه منين
للسماء وجود أثر عندي على صبري .. رمز المصاب يظل يا شيعة قبري
يهل دمعه الإجاني .. كسر قلبي زماني
يهل دمعه الإجاني .. كسر قلبي زماني

فدوى لحسين أقدم كل بنيني

وأنسى الهموم لو أن سالم يجيني

بعد شصبر وتاني .. كسر قلبي زماني
بعد شصبر وتاني .. كسر قلبي زماني




فدوى لحسين أقدم كل بنيني



الشاعر : سيد سعيد الصافي الرميـثي


صورة
صورة العضو الرمزية
لواء المؤمل
صادقي متقدم
صادقي متقدم
Posts in topic: 1
مشاركات: 5785
اشترك في: السبت مارس 29, 2008 6:47 pm
الراية: أخ حسيني

مشاركة غير مقروءة بواسطة لواء المؤمل » الثلاثاء مارس 30, 2010 8:42 pm

بسم الله الرحمن الرحيم
وصلى الله على محمد وآل محمد الطيبين الطاهرين
بارك الله بكم وحفظكم من كل سوء
صورة العضو الرمزية
لحن الروح
المراقب العام
المراقب العام
Posts in topic: 5
مشاركات: 58102
اشترك في: الثلاثاء مارس 24, 2009 6:10 am
الراية: أخت زينبية
مكان: ** حَـيثُ آكُــونْ**

مشاركة غير مقروءة بواسطة لحن الروح » الثلاثاء مارس 30, 2010 10:17 pm

بسم الله الرحمن الرحيم
وصلى الله على محمد وآل محمد الطيبين الطاهرين
أحسنتي أختي (ام أبيها) على اللطمية الرائعة للملا القديرباسم أنا بالنسبة لي أعشق هذه القصيدة كثيرا
كل الشكرلكي عزيزتي ودمتي سالمة
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الأربعاء مارس 31, 2010 12:29 am

بسم الله الرحمن الرحيم
وصلى الله على محمد وآل محمد الطيبين الطاهرين

حيــا الله اخــوي لــواء المؤمـل

كل الهلالا


والشــكر مـوصـول لكِ عزيزتي
يــاهلالا
صورة
صورة العضو الرمزية
أبو محمد رضا
محمدي مميز
محمدي مميز
Posts in topic: 1
مشاركات: 28871
اشترك في: الثلاثاء فبراير 24, 2004 10:59 pm
الراية: أخ حسيني
مكان: في قلب شبكة السادة
اتصال:
Iraq

مشاركة غير مقروءة بواسطة أبو محمد رضا » الأربعاء مارس 31, 2010 1:42 am

بسم الله الرحمن الرحيم
وصلى الله على محمد وآل محمد الطيبين الطاهرين
الله يوفقكم لكل خير
إنما نفعل ذلك لوجه الله عزوجل
لا نريد منكم جزاء ولا شكورا

صورة
صورة العضو الرمزية
ابو مهند السلامي النجفي
مشرفو السادة
مشرفو السادة
Posts in topic: 11
مشاركات: 3692
اشترك في: الجمعة أغسطس 04, 2006 10:21 pm
الراية: أخ حسيني
مكان: السويد

مشاركة غير مقروءة بواسطة ابو مهند السلامي النجفي » الأربعاء مارس 31, 2010 2:50 am

بسم الله الرحمن الرحيم
وصلى الله على محمد وآل محمد الطيبين الطاهرين
اختيارموفق
احسنت بارك الله فيكم
وجعلها الله في ميزان اعمالك
نسالكم الدعاء
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الأربعاء مارس 31, 2010 5:17 am

بسم الله الرحمن الرحيم
وصلى الله على محمد وآل محمد الطيبين الطاهرين

حـيا الله السيد ســـيد علـي

مرور مبـــارك

كل الهـلا


والله يبــارك بيكم مولاي ابو مهـند

حيــاكم الله
يـــاهلا
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الأربعاء مارس 31, 2010 6:58 pm

صورة

بسم الله الرحمن الرحيم
وصلى الله على محمد وآل محمد الطيبين الطاهرين

أداء: الملا باسم الكربلائي ..

هضموني .. هضموني

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني

يا بويه شحجي لك شصار بحالي..
من ودعتني بويه..
لا محنه وأثنين تمر إبالي..
يا اللدلتني بويه..
إشحال اليتيمة اللي ظلت بلا والي..
يا اليتمتني بويه..
يتموني يتموني.. من زغري يتموني..
ليش أنحرم من شوفتك..
يا بويه هضموني..

صورة

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني

لمن رجع خالي المهر صديته
بالدما مخضب بويه
بويه ومثل طير القطا تلكيته
ألطم وأنحب بويه..
خبرني طاح بيا كتر ناديتك
جبدي المصوب بويه
صابوني صابوني.. بالجبد صابوني
يوم اللي صابو جبدتك..
يا بويه هضموني..

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني

صورة

آنه ادري ما تقدر يا بني حامي الجار
تسمع إعتابي بويه
ريتك جنت وتعاين بحالي شصار.. شصار
يكلف مصابي بويه
من شبت بوسط الخيم بويه النار
حرقت ثيابي بويه
ضربوني ضربوني.. يا بويه ضربوني
بلوعة إعتينيت لجثتك
يا بويه هضموني

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني


صورة


يا والدي جم لوعة اللي تهدم الحيل
مرت عليا بويه
خوف ومصيبة وهضم يا بويه وليل
بالغاضرية بويه
بين أحمل سياط العدى وبين الخيل
وشكف بيديه بويه..
بمتوني بمتوني.. والأثر بمتوني
ريتك تعاين طفلتك.. يا بويه هضموني

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني

صورة

أصعب مصيبة اللي هيجت آلامي
والقلب مفجوع بويه..
راسك يا خيمة عزتي جدامي
ع الرمح مرفوع بويه
قبل العيون اللي تنحب قلب الدامي
دم يبجي ودموع بويه
ذبحوني ذبحوني.. جم ذبحه ذبحوني
ناس اللي حزوا رقبتك.. يا بويه هضموني

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني

صورة

موقف اللي شيب دليلي والراس
وشلون أوصفه بويه
بت النبي وتتصدق عليا الناس
يا ألف وسفه بويه
نحت وصحت.. جا وينه عمي العباس
صاح بالكلفة بويه..
شتموني شتموني.. يا عمي شتموني..
ما أظن تقبل غيرتك..
يا بويه هضموني

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني

صورة


مجلس يزيد اليصوبتني سهامه..
خابت الظنه بويــــه
رادوني عند أهل الغدر خدامه
طلبوني منه بويه
لن راسك بوسط الطشت جدامه
قمت أصدنه بويه..
بعيوني بعيوني.. من شفته بعيوني..
بالعصا يضرب شفتك..
يا بويه هضموني..

هضموني هضموني..يا بويه هضموني..
هضموني هضموني..يا بويه هضموني..
سكنه العزيزة وسلوتك يا بويه هضموني


سيد سعيد صافي الرميثي ..
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الخميس إبريل 01, 2010 7:17 pm

صورة


يحسين ما تنشــــــف بعـــد دمعـــــــــتي
سهم اللي صابــــك صابـــــني بجبدتي

يحسين مو بيدي القلب ما يعـــــــــــن
منصوب طول الدهر يبقى الحــــزن
ون الحمام اعليك خويه لــــــــــون
و عقبك لذوب الصخر من حسرتي

بصبي العيون اطبعــــت صـــورتك
يا نفس روحي و طــــيبة نســـمتك
فوق الدليل مطـــــــرزة محبتـــــــك
و تريد مني أنســــــاك يا سلــــــوتي

يحسين ما تنشف بعـــــــد دمعـــــــــتي
سهم اللي صابك صابـــــــني بجبدتي

يحسين شللي بعمري عقبــــك بعـــد
نوحي فلا أبطله على فقـــــدك أبد
يبن أمي انت الوالي وانت الضمـــــد
و انت الضوه لو خيمت وحشـــــتي

لنصب مناحة عليك طول الوكت
و عالوجن كت المطر دمعي يــــكت
طاح القلب عالغبرة يوم إلطحـــــت
يالخذت روحي أنا جا شلي بدنيــتي

يحسين ما تنشف بعـــــــد دمعـــــــــتي
سهم اللي صابك صابـــــــني بجبدتي

سهم المثلث تدري بيه شعمـــــــــــل
قطع احشايه و ضاع مني الأمــــــــل
لو ينشرى يا خوية لشري الأجل
ولا أشوفك بهالحال يا ضنوتــــــــي

بعيوني شفت الشمر حز رقبتــــك
و خضب يخوية بالدما شيـــــــــبتك
عطشان ما طفوا لهب مهجتـــــــك
أنا يا ريت كَبلك تنقطع ركَبــــــتي

يحسين ما تنشف بعد دمعــــــــــــــتي
سهم اللي صابك صابني بجبدتــــي

بس جسم عنك خوية لمن رحت
لو بيدي يمك يالولي توســـــــدت
ناحت الناقة وياي لمن نــــــــــحت
و قامت تساعدني على محنــــــــــتي

شوف شلعب يا خوية بيه الزمن
الله لمن حده حادي الظعـــــــــــن
و آنه يسيرة بلا ولي و لا وطـــــن
جا وين خدري و كافلي و عزتي

يحسين ما تنشف بعد دمعـــــــــــــتي
سهم اللي صابك صابني بجبـــدتي

طبيت للكوفة و ذكرت الخـــــدر
من شفت بيت الأبو و ذاك الستر
زينب أنا ويحدي بظعوني زجـــــــر
و أشكَف السوط بيمنتي ويسـرتي

للشاعر السيد سعيد الصافي الرميثي
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الخميس إبريل 01, 2010 7:21 pm

صورة





بــــاســــم الكربـلائـي
يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه

يا الزاير لون كبره يلوح لعينك من بعيد * سلم وأعقد النية وأقرا الحمد والتوحيد
وأطلب من أبو السجاد كلما تطلب وشتريد
أصعب وأتكلف الحاجات * عنده بكل وكت سهلات * طبع الرزق بالنيات
كل مطلب وسيله يريد * وكل موقف إله أسبابه


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه


عن حسين أبو اليمة يا السامع خبر مشهور * يتناقل بكل مجلس وبكل الكتب مذكور
كلمن يعتني يزوره يرد منه بقلب مسرور * بكبره تبرد اللهفة * وجمرة حسرتك تطفى
اذا عندك مرض تشفى* تبرى علته ويطيب كل من يشتم ترابه


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه


لا تخلي العجب والشك ما بينك وبينه يحول * لو همك جبل ينزال وبفضل الحسين يزول
كرامة خصصه الباري الدعاء بقبته مقبول
ومن تتوجه بدعواك * يا الزاير أريد أنخاك * أريدك تندعيلي وياك
لتربة كربلاء حنيت دموع الغربة سجابة


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه


يا زاير لو رحت أنخاك لمن توصل لقبره * عوض عني أريد تشم مكان البيه قطع نزف نحره
أختنقت ريتي وحنيت يا يوم الي أشم عطره
وكله خادمك وده * يينال المطلب الي عنده * وكلبه أببابك يشده
علق لو حصل مراده يرد يمك أمن غيابه


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه


نذر لحسين لو رديت ناذر أعتني له زحوف * كلبي يسبق أجدامي وبكبر أبو اليمه يطوف
وأحني ضلوعي على الشباك وأحضنه بلوعه الملهوف
وأشكي شعندي من آلام * وخبرة بدورة الأيام * وأزور الأكبر وجسام
كبل ما ودع أبو اليمة أزور أهل الوفى أصحابه


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه


وأتعني لعضيد حسين عباس الأخو الوفاي * الي كبله ما قبل يشرب ويتهنى بلذيذ الماي
وأكله من كبر زينب أنه جايب لك سلام وياي
غيور أطباعه معروفة * كريم يحي بضيوفه * أعذره مكطعة جفوفه
وراسه بالعمد مهشوم وبعينه السمه صابه


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه


كضيت العمر وأتمنى أعيش بحلم وبآمال* لو يدني الأجل مني نعشي بكربلا ينشال
يفروني أعلى كبر حسين وش عندي ذنب ينزال
بجاه الطاهرة أمه * أريدن دفنتي يمه * وأنا الخادم لبو اليمة
حي ميت دليلي يصيح آه يا حسين ومصابه


يا الكاصد لكبر حسين * أوكف وانحني ببابه
هل دمعك على الخدين وأسجد قبل أعتابه

ســـيد ســـعيد الصـافي الرميثي
صورة
أضف رد جديد الموضوع السابقالموضوع التالي

العودة إلى ”واحة الشعر الشعبي“