لطـميات لــ ملـه بـاسم مكتــوبه

المشرف: ابو مهند السلامي النجفي

صورة العضو الرمزية
عــلي
لجنة الإدارة
لجنة الإدارة
Posts in topic: 2
مشاركات: 9371
اشترك في: الاثنين يوليو 24, 2006 6:52 pm
الراية: أخ حسيني

#11 رد: لطـميات لــ ملـه بـاسم مكتــوبه

مشاركة غير مقروءة بواسطة عــلي » الخميس إبريل 01, 2010 10:14 pm

بسم الله الرحمن الرحيم
وصلى الله على محمد وآل محمد الطيبين الطاهرين


الف شكر لكم اختي الكريمة ام ابيها على هذهل اقصائد الرائعة للملا المبدع باسم الكربلائي


صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 1:07 am

بسم الله الرحمن الرحيم
وصلى الله على محمد وآل محمد الطيبين الطاهرين

والشــكر موصول لــ مروركم اخوي علــي

حياكم الله
صورة
ابو مرتضى البهادلي
عسكري مبتدئ
عسكري مبتدئ
Posts in topic: 1
مشاركات: 1002
اشترك في: الخميس أكتوبر 04, 2007 7:55 pm

مشاركة غير مقروءة بواسطة ابو مرتضى البهادلي » الجمعة إبريل 02, 2010 3:21 am

بسم الله الرحمن الرحيم
وصلى الله على محمد وآل محمد الطيبين الطاهرين
احسنت واجدت اختنا الكريمة ام ابيها على هذا الطرح الرائع والمنقول
الرائع نسال الله تعالى ان يةفقك لما فيه خير الدنيا والاخره
سدد الله تعالى خطاك واثابك
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 5:39 am

بسم الله الرحمن الرحيم
وصلى الله على محمد وآل محمد الطيبين الطاهرين

حيـــا الله اســـتاذنــا ابـو مرتضى

شـــاكره لــ مروركم

يــاهلا
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 6:53 am

صورة

بــاســـم الكربلائي

يا ليل طوّل ساعاتك يا ليل أحمل آهاتك
لو ودّعت الوليان تتولاني العدوان

طول يا ليل الوداع اشما تطول اوياك أساهر

ما أمِل من البواجي حتى لو تعمه النواظر

احسين بس هالليلة يمي ما تشوفه اعيوني باجر

صدقني يا ليل القهر يا ريتك اطّول دهر

خايفه من أشباح القدر خاف اظل مكسورة خاطر

يا ليل ارحم دلالي يا ليل ضاعت آمالي

آه يا دهري الخوان تتولاني العدوان


صورة

آنه يا ليل العقيلة زينب المعروف خدري

طولي ما واحد الشافه او لا ستر يوصل الستري

لجن يا ليل اشبديه سلمت للقدر أمري

دمعاتي يبسن بالجفن من يطر مصباح الحزن

بطفال و بعيله امتحن و الله ما ينحمل صبري

يا ليل كافي اتروعني يا ليل صبحك يفجعني

لو نزلوا للميدان تتولاني العدوان


صورة

و الله خنقتني العبره اشلون اوّصف هالمسيه

مثل سرب القطا طلعت للوداع الفاطميه

ريتك اتشاهد بناتك علي يا حامي الحميه

يندبهن احسين ابمحن كلهن فرد فزعه افزعن

ويّ الولي يتوادعن هاي روحه ابلايه جيه

نسوان يا هو اليحميهن لو راح عنهن و اليهن

يقبل داحي البيبان تتولاني العدوان


صورة

كلمن اتعنت وليها تهل دمع الحزن يمه

سكنه لحسين ابو اليمه راحت بلهفه تشمه

او ليله للأكبر ولدها هوت فوقه اتصيح ُيمه

او رمله اوي جاسم جاعده تظفر اجعوده اتناشده

ارحم دليل الوالده و للصدر قامت تضمه

جاوين يوليدي الشمعه جسام شو صارت دمعه

فقدك مو بالحسبان تتولاني العدوان


صورة

آه يا حال الرباب الحنّت النوق البجيها

اتعاين العبدالله طير الجنة نايم فوق ايديها

يفز لو رادت ترضعه من يروح ايدر ثديها

متهني ابنها بنومته خافت يفز لو رضعته

قامت تصد الرقبته طاحت او فقدت وعيها

جا ليش يبني ايذبحونك سبّاح قلبي يقطعونك

جيّ كلتلهم عطشان تتولاني العدوان


صورة

زينب العباس اخوها اتعنت و قامت تنشده

خويا بيّ اشلون باجر قلي يا راعي الموده

يا جفيل الظعن ظعني للوطن يا هو اليرده

عباس انت اللي قلت وياي قومي و أمنّت

يا الأخو بيه اتكفلت اشلون لو وقعت بشده

عباس دقعد حاجيني عباس وين تخليني

اختك يا عالي الشان تتولاني العدوان

ســــيد ســـعيد الصافي الرميثي
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 6:59 am

صورة



تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يلمعتني وتريد ** تاخذ جواب يفيد ** اسمع خبرها
لعيونك من بعيد ** عنها بصراحة تشيد ** يشهد قبرها
لو رايد التوكيد ** عن علة التمجيد ** لوعة لقدرها
وين الأمير يزيد ** والي بمكرها تكيد ** ضايع أثرها

غير الحقد آثار ما عندها ما عندها ** ما نالت الأشرار مقصدها مقصدها
يا أهل الجريمة ** شوفو اليتيمة ** بهيبة عظيمة
مرقدها مرقدها

صورة

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يل الك حاجة وجاي ** بلهفة قلب عناي ** صادق مرامة
هاي الوجيهة هاي ** وعندها الدوى لكل داي ** الها كرامة
ليه اعتني شجاي ** والمختلف بالراي ** اترك كلامه
صيح بعهد وفاي ** مولاتي يا رجواي ** يوم القيامة

عندك علم وأخبار عن جدها عن جدها ** وبمنزل الأطهار مولده مولدها
متورثة ذاته ** بسيرة حياته ** تشهد صفاته
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

لا تعقد التفكير ** طفلة وعمرها صغير ** تجهل فضلها
لو تمتلك تدبير** عندك يقين يصير ** تدرك مثلها
من الله هالتقدري ** الهم صغير كبير ** تقدير اهلها
لا تصطدم وتحير ** هالعبرة للتذكير ** الله جعلها

صورة

وبقدرة الجبار أيدها أيدها ** لأهل الوعي تذكار خلدها خلدها
هاي الحقيقة ** للظل طريقة ** أكبر وثيقة **
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يلتسمع انظر زين ** هاي الكرامة منين ** نالت علاها
طفلة وهضمها البين ** وين أهلي صاحت وين ** رفعت نداها
غمضت جفن العين ** شافت أبوها حسين ** بالطيف اجاها
من صفقة الجفين ** والدمع على الخدين ** واشتد بجاها

صورة

زين العباد احتار شاهدها شاهدها ** تبجي وتريد حضار والدها والدها
الدمعة الي تبها ** يلهف قلبها ** واصبح طلبها
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

ولن الأبو المذبوح ** بالطشت راسه يلوح ** فقدت أملها
وبقلب كله جروح ** شبقته ولنها تنوح ** دمعه الي تهلها
طفلة بنظر مشبوح ** من عقبه وين تروح ** تشكي عللها
لنها بجسد مطروح ** غربت عنه الروح ** قرب أجلها

لو شائت الأقدار شيردها شيردها ** بالغربة لمن صار مرقدها مرقدها
الباري بحسابه ** خله الخرابة ** سر الغرابة
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

ســــيد سعيد الصافي الرميثي
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 7:11 am

صورة



من ظلم الدهر قلبي انكسر خويه ياعباس
مثلي من صبر عندك خبر خويه ياعباس
زغري ويتموني وبفقدك ولوني
زغري ويتموني وبفقدك ولوني
مثلي من صبر عندك خبر خويه يا عباس

يا ريــــــت المـــــوت يلفينـــــي وســــكنت لحود
ولا سلمـــــت بــــيدك ياعـــــبـــــــاس الجــــــود
و يا ريت براســـــي طاحت ضربــــة الــــعامود
و لا شوفن قطعة جفينك ومصوب والنبلة بعينك

زينب قابلت عباس بالحـــــــسرة ودمع ســــجاب
تحجي له اشجرى عليها وعندها ويا الكفيل عتاب
وعندها ويا الكفيل عتاب
تقله تدري قلب أخـــــتك بســــهام الزمان انصاب
وضلـــــعي ويا ضلع أمي يا عباس انكسر بالباب
يا عباس انكسر بالباب
خاف اشرح وضع بيك انصدع يا طيب الإحساس
من يــوم الـــــضلع نشــف دمع يا طيب الإحساس
دم هلت عيوني وبفقدك ولوني
خويه ياعباس

صورة

من عمري القضى بالنوح غير الحزن شتذكر
وانســــى يا ألم خويــــه وبـــيه يا جــــرح أثر
وبـيه يا جــرح أثر
لو جان بصــــــغر همي ذاب الصــخر وتفسر
لوعــــــة كسر ضلع أمي و هامة والدي حيدر
وهامة والدي حيدر
بفراش الأجل خير العمل يلفظ الأنفاس
من بعد الأمل قلبي بوجل يلفظ الأنفاس
وانعكست ظنوني وبفقدك ولوني
خويه ياعباس
قلبي على الصبر عــــــباس وعلى الحزن عودته
و ياهي من النسا الشافت مصابي وضيمي الشفته
مصابي وضيمي الشفته
من ضــــــم الحــــسن جبده عن عين العقيلة اخته
وشــــفته بالسم تقـــــطع و بيديه جبـــــــده قلبته
وبيديه الجبد قلبته
جبدك بالطـــشت وسفة صحت يا أكرم الناس
من هضمي نحت لمن طحـــت يا أكرم الناس
بجبدي صوبوني وبفقدك ولوني
خويه ياعباس

صورة


مصاب الما خطر ذكره ولا يوم انشغل بالي
من بعد الخــــدر والجاه ابقى بحسرة الوالي
ابقى بحسرة الوالي
طلعت من الوطن وياك بهيبة والــقدر عالي
و طول الدرب يا عباس انت الجنت تبرالي
انت الجنت تبرالي
تبرى الناقتي يا هيـــبتي يا رفعة الراس
تفقد حالتــــي وش رادتي يا رفعة الراس
يا كافل ضعوني وبفقدك ولوني
خويه يا عباس
لوني انخــــطف يا عبـــــاس بيوم الكربلا طبيت
وقامت ترجف عظامي يا خويه وبالهضم حسيت
ياخويه وبالهضم حسيت
وهلــــت دمــــــعة عيوني و ونة حــــايرة ونيت
و بنــــظرة عــــتب و وداع ليك بساعة الصديت
ليك بساعة الصديت
ماترضى الهضم وانت الشهم وانت بو النوماس
تخشــــاك الزلــم يا بو العـزم وانت بو النوماس
بعدك مارعوني و بفقدك ولوني
خويه يا عباس

صورة


و يوم اللي انهدم حيلي قلبي انجسم بيه نصين
محني الظهر من شفته رد ليه أخـــوك حسين
رد ليه أخوك حسين
و من البـــعد ناديتـــه عبــــاس القمر جا وين
ولنه يقــــلي يا زينب منه انقــــــطعن الجفين
منه انقـــطعن الجفين
جفين القــــمر فوق الــنهر والدرع والطاس
وتصوب نظر راعي الفخر والدرع والطاس
بغيابك سبوني وبفقدك ولوني
خويه ياعباس

ســيد سعيد الصافي الرميثي
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 7:21 am

صورة



ملــه بـــاسم الكربــلائي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره

بحزن بلواي ** وأبث شكواي

رحت عنه لون بيدي فلا والله رحت عنه ** يا ريته أتوسد بطوله وأشم أطيب عطر منه
عفاني وشكثر صبري وأنه بهالحال أشوفنه ** أعاين جسمه المقطع وأقول شلون أعوفنه

مشيت وغصبا عليه أخويه بلا دفن عفته *** خذوني عنه مسبية وداع الغربة ودعته
عفت رجواي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

رحت لكن عفت قلبي يفرفر يم أبو اليمة ** يقولي روحي يا زينب وتريكيني أضل يمه
أريدن أحسب جروحه وأريد أتعفر بدمه ** وأجبر كسرة ضلوعه وأحن وأذكر ضلع أمه

صحت يا قلبي لا تقولي يا زينب روحي خليني ** أريدك بالدرب خلي على الونه تسليني
أسير وياي ** وأبث شكواي

صورة

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

تصوب من زغر قلبي لون ينوح ما لومه ** لون ما لزمت ضلوعه وقع من شدة همومه
سبية ومن على الناقة شبحت عيوني على الحومة ** شقول وشفته على الغبرة أخوي مسلبة هدومه

وعلى الرمح دامي أعاين راسه يبرالي ** وأصد له بنظرة لآلامي وأصيح شبيدي يا الوالي
ولوني عداي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

بعد غيبة هضم طالت اجيت أنشد على بن أمي ** شفت طف كربلاء بعيني وتهيج بالقلب همي
ذكرت الخيل من غارت علي وحرقت خيمي ** يتامه وعيلة مذعورة وعليل بيا وضع يمي

طحت بين الي يلوعني على متني بصوت يضربني ** وهذاك بجفهيدفعني وهذاك اليسر يسبني
ذهيلة تراي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

صورة

وعلي السجاد الي بجفه على قبر حسين ضل يوحي ** مثل طير الفقد وتره تحوم على القبر روحي
أدي على القبر دارت حضنته بلوعتي ونوحي ** صحت يالي نشفت جروحك بعد ما تنشف جروحي

يا خويه من سكن ونك وحقك ما سكن وني ** اذا قلت لي غبت عنك فلا ساعة الي غبت عني
نظر بحشاي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

لون يا حسين تنشدني يا خويه وين ودوني ** وعلى مصاب الي جرى علي تجاوب دمعة عيوني
تمنيتك تطر قبرك تقوم تعاين متوني ** وأشد موقف يا بو اليمة ليزيد الطاغي جابوني

شماتة ضل يناشدني وعلى الكفن ضعني ** وانه قباله ويشاهدني سبية ودهري فاجعني
بقت بحماي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

ســيد ســعيد الصافي الرميثي
صورة
صورة العضو الرمزية
الراية العلوية
مشرفات السادة
مشرفات السادة
Posts in topic: 3
مشاركات: 9281
اشترك في: الاثنين يناير 26, 2009 3:30 am
الراية: أخت زينبية
مكان: مَعَ الَّذِينَ أَنْعَمَ اللَّهُ عَلَيْهِمْ..

مشاركة غير مقروءة بواسطة الراية العلوية » الجمعة إبريل 02, 2010 7:30 pm

بسم الله الرحمن الرحيم
وصلى الله على محمد وآل محمد الطيبين الطاهرين

أحسنتِ غاليتي UM ABIHA
قصائد رائعة ..في ميزان حسناتكِ يارب
وننتظر المزيد ان شاء الله تعالى.
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الجمعة إبريل 02, 2010 8:00 pm

بسم الله الرحمن الرحيم
وصلى الله على محمد وآل محمد الطيبين الطاهرين

مروركم هو الاروع حبيبتي الرايــه العلويــه

حيا الله ها المرور
صورة
أضف رد جديد الموضوع السابقالموضوع التالي

العودة إلى ”واحة الشعر الشعبي“