لطـميات لــ ملـه بـاسم مكتــوبه

المشرف: ابو مهند السلامي النجفي

صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

#21 رد: لطـميات لــ ملـه بـاسم مكتــوبه

مشاركة غير مقروءة بواسطة UM ABIHA » الجمعة إبريل 02, 2010 8:09 pm

صورة



الرادود الحســيني بــاسم الكربــلائي

معصومة هاي أخت الرضا هاي النجيبة(ماتت غريبة فاطمة ماتت غريبة)
بصواب أخوها نصابت بجرح المصيبة(ماتت غريبة فاطمة ماتت غريبة)
موقع قبرها يعكس خُبرها(فاطمة ماتت غريبة)

صورة

يا ناس من يوم انكسر ضلع الزجية**ماينعد مصاب الجرى عالفاطمية
ظلم السقيفة و يتبعه ظلم آل أمية**جرح الوصي و جبد الحسن و الغاضرية
ذبح الحسين و جثته الظلت رمية**و عن بني العباس اشكثر جور و أذية
ما جنة وصى المصطفى حب أهل بيته(نكروا وصيته يا وسف نكروا وصيته)
و انقلبوا أصحاب الجهل ساعة منيته0نكروا وصيته يا و سف نكروا وصيته)
و الأمة سرها يعكس خُبرها(فاطمة ماتت غريبة)

صورة


من الزجية تورثت معصومة همها**من زغر سنها و الدهر ظلم هضمها
من الأبو و من الأخو بغدره حرمها**بالغربة و بأصعب خبر بدد حلمها
صابتها و بوسط القلب لوعة ألمها**و ساعة الوافاها الأجل من حضر يمها
من المدينة من اجت فقدت أخوها(وش جاوبوها بيا وضع وش جاوبوها)
قطّعوا بالسم جبدته من خبروها(وش جاوبوا بيا وضع وش جاوبوها)
و حيرة أمرها تعكس خُبرها(فاطمة ماتت غريبة)

صورة

هاي النجيبة الطاهر الطاهر نسبها**بنت كاظم الغيض الخذت منه أدبها
متعنية لخرسان اجت يلهب قلبها**يالحسرة و الهم و الحزن قضّت دربها
تنشد على خضار الرضا بدمعة التصبها**و بيا ذنب ماشافته ترفع عتبها
كل ظنها تحظى بشوفته عقدة أملها(ساعة اجلها قربت ساعة أجلها)
فوق الوجن دمعة هضم قامت تصبها(ساعة أجلها قربت ساعة أجلها)
و لوعة دهرها تعكس خُبرها(فاطمة ماتت غريبة)

صورة

و الباري شاءت قدرته يرفع قدرها**حرمة و على حكم القدر حملت صبرها
لوعات و امصاب و حزن قضّت عمرها**و للعين أصبح من بُعد شامخ قبرها
و الزاير اللي ليها قصد يعرف فخرها**لليوم بأنوار الكرم خالد ذكرها
ياخذ مراده كل محب زاير قصدها(روضة مجدها زاهية روضة مجدها)
باب الشفاعة الواسعة موجودة عندها(روضة مجدها زاهية روضة مجدها)
و هيبة قدرها تعكس خُبرها(فاطمة ماتت غريبة


ســـيد ســعيد الصافي الرميثي


صورة
أنوار المنتظر
الكادر الاداري
الكادر الاداري
Posts in topic: 2
مشاركات: 27486
اشترك في: الأربعاء إبريل 18, 2007 1:42 am
الراية: أخت زينبية

مشاركة غير مقروءة بواسطة أنوار المنتظر » السبت إبريل 03, 2010 2:34 am

بسم الله الرحمن الرحيم
وصلى الله على محمد وآل محمد الطيبين الطاهرين
ماشاء الله
بارك الله فيكم وجزاكم الله خيرا واحسن اليكم
موفقين
اعــرف الحــق تعــرف أهلــه
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » السبت إبريل 03, 2010 3:07 am

بسم الله الرحمن الرحيم
وصلى الله على محمد وآل محمد الطيبين الطاهرين

منــا ومنكم ان شـــاء الله

مرور عزيز وغالي خيتي رحاب
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » السبت إبريل 03, 2010 7:42 pm

صورة




الرادود بــاسم الكربلائي


أخاف امن اعوفك..أخاف امن اعوفك..أخاف امن اعوفك..أخاف امن اعوفك ..

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

يا عباس اختك آنا ولا تبارحني
چنت انته تمسيني وتصبحني
فرقتك ذلتي وشوفك يفرحني
كلام الشامت بفرقاك يجرحني
يا ريت الموت أخذ روحي ويريحني
إذا أنساك الله لا يسامحني ..
أخاف أشتكيلك وأعذب دليلك وأريد بدموعي أبرد غليلك
تودعك دمعتي وأخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

أودعك ياابن ابويه او لليسر أطلع
واعوفك بدر غايب نوره بالمصرع
مثل جسمك توذر قلبي وتقطع
كلامي اوياك صار يترجمه المدمع
اذا ارجع يا خويه اشراح اتوقع
اذا ارجع اشوفك بعد من ارجع ..
اباصر دليلي سفرتي ورحيلي قلت له عجيبه افارق كفيلي
اعلى فقدك حسرتي واخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

أصيحن واليموت اشينفعه الصايح
اسكتت وادموعي جدول عالوجن سايح
غصب عني اعوفك والظعن رايح
بلا توديع اتركك عالنهر طايح
تعاتب لا تعاتب والعتب جارح
تودني واليود من شيمته يسامح ..
ظعنه برواحه يريد السماحه تسير الظعينه بونين ونياحه
تنشدك مُهِجْتي وأخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

أنشدك لو مشيت بظعني وأتيسر
تقدر تنهض اتشد الظعن تقدر
اذا بسياطه خصمك يضرب الخِدّر
تقدر تحمي عيله وسايره بهالبر
اذا چتالك بمجلس شتم حيدر
تقدر تجي هناك اتدافع وتحضر ..
اذا وقفونا بمجالس عدونا حرم واحنا نسمع يشتمون ابونا
شينشف عبرتي واخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

اذا مسبيه من يمك رحت وامشيت
عني ما قمت يا باالفضل حاميت
اذا مجلس دخلت وحايره ظليت
اذا حَشّمتَك وللنخوه ما لبيت
العذر مقبول منك خويه لو ما جيت
اشلون تقوم وانته بس جسد ظليت ..
يا جمرة حنيني يعذرك ونيني عسن مني قطعوا يساري ويميني
شيرجع لهفتي وأخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

اشخلّت ساحة الطف خذت مني عيون
شحجي اويا النهر والسهم والعامود
فطر جبدي العطش من نار سهم الجود
اذا تسكن لحد اسكن ياخويه الحور
للطف ياابن ابويه الظعن مني يعود
اخافن ما اشوفك لو رجعت ردود ..
يطول غيابي واجيك بمصابي اذا ما لقيتك تزيّد عذابي
تهيّج جمرتي واخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

جابــر الكاظمـي
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » السبت إبريل 03, 2010 7:47 pm

صورة



الحاج باسم الكربلائي

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

تعنّى يم علي السجاد .. أبو حمزة الثمالي اليوم
يـﮕله سيدي الوادم .. بِدَت تحـﭽـي و عليك تلوم
شكثر تنحب يبو الباقر .. يـﮕولون النحب مذموم
يريدونك تكف دمعك .. تعيش بلا كدر و هموم

و عن دمعتك يـﮕلون .. لمن تسحها
هالدمعة للأموات .. تلـﭽم جرحها

خايف تصير .. جرح الحبيب
لتظن يطيب .. جرح الحبيب .. و اترك نحيبي



شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يجاوب حُجة الباري .. و يصب دمع المحاجر دم
يـﮕله يا أبو حمزة .. الوادم حـﮕها ما تعلم
أنا القابض على الجمرة .. و يظللني سحاب الهم
أطَشر بالصبر حزني .. و ردود الحزن يلتم

و الوَجرت بحشاي .. نار المصيبة
شحال اليصد و يشوف .. مصرع حبيبه

يسعر لهيب .. جرح الحبيب
لتظن يطيب .. جرح الحبيب .. و اترك نحيبي


شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو الحمزة البعض يفـﮕد .. عزيزه يظل عليه بنوح
و يظل طول الوكت ينحب .. و لا يملك زمام الروح
و هذا آنة الشِفت أهلي .. ضحايا بين ايدية تروح
بين الـﮕطعوا ﭼفوفه .. و بين اللي وﮔـع مذبوح

حـﮕـه اليريد يلوم .. و يبدي الملامة
ماحاضر و لا شاف .. جثة إمامه

دامي و عجيب .. جرح الحبيب
لتظن يطيب .. جرح الحبيب .. و اترك نحيبي



شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يلوموني يبو حمزة .. و لا علينفجع معتب
فَرِد يوسف فـﮕد يعـﮕوب .. و ظل طول العمر ينحب
و أنا شـﭽم يوسف ﮔـبالي .. أشوفه على الثرى امترَب
رجع يوسف و أنا الما عاد .. حبيبي و بالدما تخضب

يوسف عَدِل ماطاح .. جسمه و تعفر
و ﮔـبالي جسم حسين .. طاح و توذر

خلف نحيب .. جرح الحبيب
لتظن يطيب .. جرح الحبيب .. و اترك نحيبي


شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة العتب مذموم .. على اللي فـﮕد ضي عيناه
يلوموني البعض حـﮕهم .. محد شايف الشفناه
ماشافوا طفل ضامي .. عوض ما تطفى نار حشاه
تصيبه بمنحره النبلة .. و يتروى بنجيع دماه

و لا شاهدوا عريس .. و موذرينه
و تتحنى من دماه .. راحة يمينه

بالدم خضيب .. جرح الحبيب
لتظن يطيب .. جرح الحبيب .. و اترك نحيبي


شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة الزلم تطلع .. تقاتل تعرض المنحر
لـﭽن شنهو الجعل هالـﮕوم .. تشن غارتها عالخِدَر
عـﮕب ذبح الزِلِم بالطف .. علينا صالت العسكر
الأرامل و اليتامى بخوف .. هَجَت و الخيم تسعر

مرفوعة ليش الروس .. فوﮒ العواسل
ليش بيسر للشام .. تمشي الأرامل

و اللي يجيب .. جرح الحبيب
لتظن يطيب .. جرح الحبيب .. و اترك نحيبي


الشاعر جابــر الكاظمي

صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الأحد إبريل 04, 2010 6:48 am

صورة



الحاج بــاســم الكربلائي


وعدك وينه

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

ياعباس انت الكافلنه .. وانت الضيغم والصنديد
جيت اشرحلك حال اعيالك .. عطشانه و للماي تريد
أطفالك ما تقدر تصرخ .. صارت توميلك بالإيد
وهذا الشاطي اقبال خيامك .. لا لاتقول الشاطي بعيد
لا تخلينه .. لا تخلينه
بهذا الموقف .. لا تخلينه
تتراجف منك هالجيش .. صابر عن هالموقف ليش ؟

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

كلساعه طفله تمر قبالي .. توقف يمني وتحجي وياي
ما افهم منها شماتحجي .. لا اسمع بس جلمه ماي
منهو يصبر هاي الطفله .. حاجيني وباصرني براي
تقعد لو تطلع للشاطي .. بكيفك ظلت يمك هاي
ياوالينه .. ياوالينه
بيدك جودك .. ياوالينه
وانت العارف و الحساس .. ظلت يمك ياعباس

***

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

ما اشرح حال الخدر .. اشرح بس حال الأطفال
طفلين من اطفالك وقفوا .. يحجون بمدمع همال
واحد ينشد من الثاني .. شتقول انته بهذا الحال
يطلع عمنه الماي يجيبه .. لو نبقه بجمر الدلال
يعلم بينا .. يعلم بينا
شاف الحاله .. يعلم بينا
خل نطلع يم عمنه نروح .. و نقله بمقطع مسفوح

***

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

خل أدرك حالة اطفالك .. و اشرح لك حاله الرضعان
كل ساعة اسمع واحد يصرخ .. وامه تحاجيه بأحزان
هاك ارضع من دمعه عيني .. حتى المدمع هم خلصان
ظلت يم عمك يوليدي .. بس هوه اليروي العطشان
شبحت عينه .. شبحت عينه
حتى اليرضع .. شبحت عينه
ما عنده اللسان يحاجيه .. باللسان بدمعه يناديه

***

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

شال السيف و هاج و اغبر .. والرايه ترف اعله الراس
صارت ضجه بباب اخيامه .. وحده اتحذره من الأرجاس
وحده تحب جفوفه وتقله .. لا تتأخر ياعباس
وحده تصيح ارجع ياعمي .. لا توليك اشرار الناس
لوظلينه .. لوظلينه
بهاي الحاله .. لوظلينه
بس دمعات العين تزيح .. كل ساعه يسمع طفله تصيح


جابــر الكاظمي



صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الأحد إبريل 04, 2010 6:56 am

صورة


بـــاسم الكربلائي


فضة بحزنها تنادي

ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه

* * *
فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب

***
ضلمة المدينه فضة الحزينه تصيح بقلب مهموم
هلّ دنيا تشهد بضعه محمد هجموا عليها القوم
كسروا ضلعها خلو دمعها علخد يسيل دموم
تبجي اسمعتها بعيني شفتها منها الضلع مهشوم
صوّاب الكسر فاجدها و محسن وقع من عدها
مثل الكوكب لاح و غاب ما بين الحايط و الباب

* * *
ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه

* * *

بيت الرساله هاتف تعالى داع النوايب صاح
من هل النوايب جور المصايب دمع النواظر ساح
و الزهره ناحت و عليّ صاحت صوت بهضم و نياح
صوت اعتنالي صاحت تعالي يا فضة محسن طاح
جيت ولقيت الزهره محنيه تجري العبره
تشهق و المدمع سجاب ما بين الحايط و الباب

* * *
ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه

* * *

جيت و اخاطب ام الأطايب بقلبي تواقد نار
امرج اطيعه و انتي الوديعه يا بضعه المختار
شنهو الجرالي يضهمني حالج خبريني شنهو الصار
صاحت يا فضة ما بي نهضه من لوعه البسمار
طيحت جنيني الغالي يا فضة فجعت حالي
محسن خلى بقلبي صواب ما بين الحايط و الباب

* * *
ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه

* * *

زهره بحزنها تخاطب ابنها محسن ياضي العين
مِن شهادتها جيت انشدتها يالزهره اقصد وين
يصعب حجيها شارت بديها صوب الحسن و حسين
حين قصدتهم جيت وشفتهم عليهم يحوم البين
زينب اختهم يمهم يتصارخون على امهم
ومصاب افجع من مصاب ما بين الحايط والباب

* * *
ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه

* * *

لن عفت زينب مهمومه تنحب للزهره رحت النوب
جيت اسندتها بإيدي وشلتها شيسند ظلع مصيوب
حين جلبتها يمهم يبتها طاحت عليها قلوب
بنات الإمامه مثل اليتامه تجري الدمع و تلوب
و على الضلع و صوابه نار المهج لهابه
على المصيوبه بغير اسباب ما بين الحايط و الباب

* * *
ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه

* * *

جمره المصيبه شاجر لهيبه شيطفي جمر النوح
على الزهره نوحي و مهمومه روحي خلصت عساها الروح
دمعي تجارى ليله و نهاره علزهره ضل مسفوح
بحالت كسرها بهضمة دهرها من القلب مجروح
انحب و اصيح بدمعي اشعر تِكسر ضِلعي
من دفعوا امي الاطياب ما بين الحايط و الباب



جـــابر الكاظمي



صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الأحد إبريل 04, 2010 7:02 am

صورة

بـــاسم الكربـلائي



يا حسين هاي عيالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

هاي الأرامل عودت هالليلة والأيتام ** بعد أربعين ويا العدة من أصعب الأيام
ولقبرك بلهفة اعتنت تشكي لك الآلام ** من لوعة الكوفة أشد لوعة مرار الشام

شتقول لو تنشدها ** شتقول وش ضل عندها
لو تدري بيها شصار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

حين الي شافت كربلاء هاج الحزن والنوح ** تتذكر بهاي الأرض دم ودمع مسفوح
لخيمها مهرك من رجع يخبرها يا مذبوح ** واليها يالي منها رحت محتارة وين تروح

وبيوم قطعوا نحرك ** وبيوم هشموا صدرك
بخيمها شبت نار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

تروي لك أخبار السبي متعنية يا مظلوم ** من الهضم مثل الكطة بين القبور تحوم
هاي لأبنها تخاطبه يا سلوة أمك قوم ** ذيج لأبوها تعاتبه بلوعة وحزن وهموم

ما بين صاحت بويه ** ما بين صاحت خويه
دم هلت الأنظار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

الليلة لعي الأكبر أجت يم قبره تشكي الحال ** جرحك تقلل بالقلب متوسع وقتال
ورملة يا جاسم ناذته يا شمعة الآمال ** وبليلة الزفة طفت من دمعي الهمال

حنيت يا بني لشوفك ** حنيت دم جفوفك
طبع الزمن غدار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

يم الرضيع تناديه عبد الللع يا رجواي ** أقعد أرضعك ذرتي يلما شربت الماي
حرموني منك يا وسف يا دهرتي بدنياي ** لا وني بعدك ينقطع لا بطل من بجاي

وشلون أقطع نوحي ** وشلون تشفه جروحي
ولكل جرح آثار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك

سكنة العزيزةمن هوت يم قبر ابوها حسين ** قوم اتراب الذي هوت وصاحت يا نور العين
سلوته أ،ت وسولتك منك حرمها البين ** يا بويه هم عندك خبر عنك رحت لا وين

ظلام وتولوني ** ظلام ما رحموني
ولا والي نغار ** وبكل قلب تذكار
يا حسين هاي أطفالك

يا حسين هاي عيالك ** يا حسين هاي أطفالك
يمك لفت خطار ** وبكل قلب تذكار
يا حسين هاي أطفالك


جــابر الكاظــمي
صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الاثنين إبريل 05, 2010 6:20 am

صورة


الحـاج بــاسم الكربـلائي

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها


اجت أم البنين الأربعة الأقمار * يم قبر الوديعة بضعة المختار
اجتها محملة هموم وقصص وأكدار * ثبت الها بدمعها أفجع الأخبار

هالطاهرة المنفجعة * تحكوا يا قبر البضعة * تشرح هضمها بدمعتها
زادت محنها * لمصاب ابنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

وشهقت على القبر شهقة قلب لهفان * صاحت والضمير مسجر بنيران
يا الزهرة بناتج اجن للأوطان * لكن ما اجن وياه هني الي وياه

وحدة على فقد اخوتها * تبكي وتهل عبرتها * دايب قلبها ومهمومة دايب قلبها
وحدة لفقد ضنوتها * ما بطلت ونتها * دايب قلبها ومهمومة * دايب قابلها

فايض جفنها * لمصاب ابنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

من صوت الوديعة ارتفع صوت مصاب * يا أم البنين الأربعة الأطياب
حضرت روحي بالطف تحرس الغياب * شفت كل ما جرى على أولاد داحي الباب

شفت البنين الأربع * كل من ذبيح بمصرع * دمه يتجاره على الغبرة * دمه يتجاره
شفت القمر بالمضرع * جسمه الشريف موزع * دمه يتجاره على الغبرة * دمه يتجاره

صبرت أظنها * لمصاب ابنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

لن أم البنين تجاوب الزهرة * هاللأربع بنين الهوو على الغبرة
مو هم لون هالعالم بأسره * ما توفي من دم سبط النبي قطرة

دم أبنج الي يتجاره * قلبي ترك آثاره * فرقة بنيني ما تهمني * فرقة بنيني
حين أسمعت أخباره * دلالي هاجت ناره * فرقة بنيني ما تهمني * فرقة بنيني

شاركها ونها * لمصاب أبنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

يا بضعة محمد هذا دمع العين دم يجري * وريد حسين
وآنه يا الوديعة تحيرت ما بين * رميات المصيبة ونايبات البين

فقد الصبط دوهني * ما تطفى جمرة وني * تفطر دليلي يا الزهرة * تفطر دليلي
راحو بنيني مني * وحسين فقده يهمني * تفطر دليلي يا الزهرة * تفطر دليلي

واسيها حنها * لمصاب أبنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها


الشــاعر جابر الكاظمـي





صورة
صورة العضو الرمزية
UM ABIHA
عضـوة شـرف
عضـوة شـرف
Posts in topic: 257
مشاركات: 17261
اشترك في: الاثنين نوفمبر 14, 2005 9:44 pm
الراية: أخت زينبية
مكان: منتدى الســاده

مشاركة غير مقروءة بواسطة UM ABIHA » الاثنين إبريل 05, 2010 6:24 am

صورة


بــاســـم الكربـلائي

ذبيح مسلب بن امي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

رحت عنه لون بيدي فلا والله رحت عنه ** يا ريته أتوسد بطوله وأشم أطيب عطر منه
عفاني وشكثر صبري وأنه بهالحال أشوفنه ** أعاين جسمه المقطع وأقول شلون أعوفنه

مشيت وغصبا عليه أخويه بلا دفن عفته *** خذوني عنه مسبية وداع الغربة ودعته
عفت رجواي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

رحت لكن عفت قلبي يفرفر يم أبو اليمة ** يقولي روحي يا زينب وتريكيني أضل يمه
أريدن أحسب جروحه وأريد أتعفر بدمه ** وأجبر كسرة ضلوعه وأحن وأذكر ضلع أمه

صحت يا قلبي لا تقولي يا زينب روحي خليني ** أريدك بالدرب خلي على الونه تسليني
أسير وياي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

تصوب من زغر قلبي لون ينوح ما لومه ** لون ما لزمت ضلوعه وقع من شدة همومه
سبية ومن على الناقة شبحت عيوني على الحومة ** شقول وشفته على الغبرة أخوي مسلبة هدومه

وعلى الرمح دامي أعاين راسه يبرالي ** وأصد له بنظرة لآلامي وأصيح شبيدي يا الوالي
ولوني عداي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

بعد غيبة هضم طالت اجيت أنشد على بن أمي ** شفت طف كربلاء بعيني وتهيج بالقلب همي
ذكرت الخيل من غارت علي وحرقت خيمي ** يتامه وعيلة مذعورة وعليل بيا وضع يمي

طحت بين الي يلوعني على متني بصوت يضربني ** وهذاك بجفهيدفعني وهذاك اليسر يسبني
ذهيلة تراي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

وعلي السجاد الي بجفه على قبر حسين ضل يوحي ** مثل طير الفقد وتره تحوم على القبر روحي
أدي على القبر دارت حضنته بلوعتي ونوحي ** صحت يالي نشفت جروحك بعد ما تنشف جروحي

يا خويه من سكن ونك وحقك ما سكن وني ** اذا قلت لي غبت عنك فلا ساعة الي غبت عني
نظر بحشاي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي

لون يا حسين تنشدني يا خويه وين ودوني ** وعلى مصاب الي جرى علي تجاوب دمعة عيوني
تمنيتك تطر قبرك تقوم تعاين متوني ** وأشد موقف يا بو اليمة ليزيد الطاغي جابوني

شماتة ضل يناشدني وعلى الكفن ضعني ** وانه قباله ويشاهدني سبية ودهري فاجعني
بقت بحماي ** وأبث شكواي

ذبيح مسلب بن أمي مشيت وعفت على الغبرة ** إجيت أتعثر بهمي أشوف بيا كتر قبره
بحزن بلواي ** وأبث شكواي



جــابــر الكاظمـي
صورة
أضف رد جديد الموضوع السابقالموضوع التالي

العودة إلى ”واحة الشعر الشعبي“