انه مجنون ابعلي انه مجنون

[انين]

بسم الله الرحمن الرحيم
وصل اللهم على محمد وآل محمد
انه مجنون ابعلي انه مجنون

علي موبس بالنجف عنده مزار .. علي حتى ابكعبة الله اتشوفه

اليحبه يطــوف ويبوس الجدار .. وعلي حتى المايحبه يطـوفه

المستهل

أنه مجنون ابعلي انه مجنون

حتى املاك السمه اويانه تحسبه .. خل ينادي ابصوته هالليله اليحبه
ــــــــــــــــــــــــــــــــــــــ

اهمه حكهم لويتهمونه بجنون =لأن نفقد من يمر أسم الولي

هاي حتى اطفالنه بحبه تذوب= قـبل كلمة بابه تنطق ياعلي

اشمايلومون نحبه اشمايلومون

احنه حتى اطفالنه حيدر تندبه .. خل ينادي ابصوته هالليله اليحبه
ـــــــــــــــــــــــــــــــــــــ

وألنه لوســائل يوجه هالكـــلام = ليش بالكعبـــــه ولادة حيدره

بهاي ربنا نكله هوه الفضلاه = لان موسهله علي أتولده مره

وخل يسمعون ابعشكنه خل يسمعون

هالعهد وي علي من دم نكتبه .. خل ينادي ابصوته هالليله اليحبه
ــــــــــــــــــــــــــــــــــــــ

فخر ألنه لوأله كـالواعبيد = الله يعلم خلهم يتهمــــــــــــــونه

لأن ماعدهم جواب ابكل نقاش = كالوا الشيعه علي يعبدونه

وكلبي مفتون ابعلي كلبي مفتون

هوه كل شيعي علي يمحيله ذنبه .. خل ينادي ابصوته هالليله اليحبه
ــــــــــــــــــــــــــــــــــــــ

مانكول اليوم مــيلادك أكيد = يبقى شك ابهاي لامانعتقد

انتى ذاك اليوم ربك نزلاك = لان قبل الكون ندري منولد

ولاميخفون الحقيقه لاميخفون

عالجدار الي انفطر تشهد الكعبه .. خل ينادي ابصوته هالليله اليحبه
ــــــــــــــــــــــــــــــــــــــ

لأن لله سبحت قبل الوجود = يوم جانت عدم لاظلمه وضياء

من مناجاتك وتسبيحك اكـيد = خلق ربك هالملائك والسماء

ويشهدالكون ألك يشهد الكون

نكر كل ذاته علي وللباري لبه .. خل ينادي ابصوته هالليله اليحبه
ــــــــــــــــــــــــــــــــــــــ

ولاتظن شاعر وكاتب وصفاه = غركت أقـلام الشـعر ببحوره

اليعرفه احتار بوصافه شيكول = اليجهله كال عنه اسطوره

ومايوصفون علي مايوصفون

من يوصفه وعالبشر نال اعله رتبه .. خل ينادي ابصوته هالليله اليحبه

للشاعرجبار البطاط

[عاشقة ام الحسن]

بسم الله الرحمن الرحيم
وصل اللهم على محمد وآله الطيبين الطاهرين

اختي انين سلمت اناملك ابيات جدا رائعه تحياتي لك

[علي الكاظمي]

بسم الله الرحمن الرحيم
وصل اللهم على محمد وآله الطيبين الطاهرين

جزاكم الله خيرا

[ابو مهند السلامي النجفي]

بسم الله الرحمن الرحيم
وصل اللهم على محمد وآله الطيبين الطاهرين
الاخت الفاضلة انين رعاك الله
احسنتي الاختياراسئل الله ان يوفقكم ويسدد خطاكم لما يحب ويرضا
لاعدمنا هذه النفس الطيبة