شعر حسيني

المشرف: ابو مهند السلامي النجفي

محمد الخفاجي
مهدوي مبتدئ
مهدوي مبتدئ
Posts in topic: 1
مشاركات: 23
اشترك في: الجمعة أغسطس 03, 2012 6:42 am
الراية: أخ حسيني

#1 شعر حسيني

مشاركة غير مقروءة بواسطة محمد الخفاجي » الخميس أغسطس 16, 2012 6:43 am

بسم الله والصلاة والسلام على رسول الله



شريد اوصفلك الحاله بحبر الي تسيله العين
تجيد احروفه بالحسرات بالاهات تلگه احسين
تطلگ بالحرف وتصيح چلماتي يبو الحسنين
وينك يا ابو الحملاات دحضرنه تره معسرين
باب العلم بيك العلم يلگه العلم تاويله



شما اكتب اريد حسين اشوف النقط تنزف دم
وشوف الكلمه كله اجروح لاتنطبگ لاتلتم
انه بفيض الدمع يا ناس اوصل احروفه ولحم
لان احسين حرگه وشوگ حرگه الماتفارگ هم
وياعين گلي الماتصب دم ومع تبچيله



عدل ربنه الجليل يفيض جود ونزل القران
وحسين واهل بيته الثله النصرته باحسان
والقران يعني احسين كتاب اتمثل باانسان
اذن احسين والقران من بدء الخليقه اخوان
كل سوره نصبتلك عزه تبچي الدمع وتسيله



زينب حايره يا ناس تمشي المن تريد اتروح
وگلبه بطيحه الوليان اظن ميت جرح مجروح
احسين العلرمح راسه وجسد علغبره ظل مطروح
والكافل بلا چفين عليه حته الحمام اينوح
ولو گلبي صاير من صخر چا هم تهدم حيله


العقيله بطيحت الوليان حارت والدمع همال
تصيح احسين وين الگال انه امعدل الحمل لومال
ترادف بالهموم وياي دهري الما تحمله اجبال
فگد وليان والصيوان نار البي تشت اطفال
وفارس مضر ظل علنهر ولامن اخوالتشكيله



تشكي المن هضمه اليوم تصد الحيدر اتندبه
موش انته الحضر سلمان يوم الربه من لبه
يمنقذ يونس من الحوت حالته اعظم وصعبه
عطاشه اطفال حيرانين تفطر كل طفل گلبه
ولوباقيه اچفوف الگمر جر الفرات وخيله



حسينك هذاشوفه شبي بيه الشامت اتشفه
بيه اجروح فوگاجروح وخنصر مالگه چفه
يجود بنفسه ابو السجاد ويصد الخالقه بعفه
اخذ كلشي الذي يرضيك يشعر بعده ما وفه
موذر وذر رمح بصدر يصعب علي تغسيله



من حز الشمر يا ناس راس احسين ابو اليمه
من اضلوعي تفرالروح اعله جسم احسين وتشمه
لان بي ريحت المختار ريحت حيدر وامه
احس كسفت شمسنه وليل چلچل هلغدت ضلمه
وأعظم سور يبن الطهر راسك نطق ترتيله

خادم اهل البيت ع


صورة العضو الرمزية
نينوى
مدير منتديات السادة نت المباركة
مدير منتديات السادة نت المباركة
Posts in topic: 1
مشاركات: 42892
اشترك في: الجمعة مايو 20, 2005 12:17 am
الراية: أخت زينبية

مشاركة غير مقروءة بواسطة نينوى » الخميس أغسطس 16, 2012 1:52 pm

بسم الله الرحمن الرحيم
وصل اللهم على محمد وآل محمد الطيبين الطاهرين

السلام عليكم
دررا نظمتها أناملك بحروف ولائية لها سطوة راقية على قلوبنا دائما ...
صورة
صورة العضو الرمزية
ابو مهند السلامي النجفي
مشرفو السادة
مشرفو السادة
Posts in topic: 1
مشاركات: 3770
اشترك في: الجمعة أغسطس 04, 2006 10:21 pm
الراية: أخ حسيني
مكان: السويد

مشاركة غير مقروءة بواسطة ابو مهند السلامي النجفي » الجمعة أغسطس 31, 2012 1:31 am

بسم الله الرحمن الرحيم
وصل اللهم على محمد وآل محمد الطيبين الطاهرين
احسنتم بارك الله فيكم
وجعلها الله في ميزان اعمالك
رحمكم الله برحمته الواسعه
صورة
صورة العضو الرمزية
باب فاطمة
مشرفات السادة
مشرفات السادة
Posts in topic: 1
مشاركات: 18124
اشترك في: الجمعة نوفمبر 17, 2006 1:06 pm
الراية: أخت زينبية

مشاركة غير مقروءة بواسطة باب فاطمة » الجمعة أغسطس 31, 2012 10:14 am

بسم الله الرحمن الرحيم
وصل اللهم على محمد وآل محمد الطيبين الطاهرين

جزاكم الله خيرا اخي محمد الخفاجي للقصيدة الرائعة وسلمت يمينكم
صورة
أضف رد جديد الموضوع السابقالموضوع التالي

العودة إلى ”واحة الشعر الشعبي“