ردت من الشام.. ردت من الشام

المشرف: ابو مهند السلامي النجفي

صورة العضو الرمزية
ابو مهند السلامي النجفي
مشرفو السادة
مشرفو السادة
Posts in topic: 1
مشاركات: 3770
اشترك في: الجمعة أغسطس 04, 2006 10:21 pm
الراية: أخ حسيني
مكان: السويد

#1 ردت من الشام.. ردت من الشام

مشاركة غير مقروءة بواسطة ابو مهند السلامي النجفي » السبت أكتوبر 19, 2019 8:19 pm

بسم الله الرحمن الرحيم
اللهم صل على محمد وال محمد
ــــــــــــــ
ردت من الشام....ردت من الشام
رافعه راية علي
ــــــــــــــ
گوم أمشي الكربله أتلقه الظعون...
وشارك الحره يشـــيعي بالشجون
گالوا من الســوط مسوده المتون...
رافعة راية علي
ردت من الشام..ردت من الشام
ـــــــــ
واسـي أم الخــدربالـون والألم...
وخل دمعتك تحچي ويراعي العلم
إجروحها ثگلت يشــيال الهمم...
رافعه راية علي
ردت من الشام.ردت من الشام
ــــــــــــ
گوم لأيتامك يســبع النهــروان ...
عقب عينك شافت ألوان الهوان
أنفض أتراب الگبـر حان الأوان...
رافعه راية علي
ردت من الشام..ردت من الشام
ـــــــــــــــــ
گوم نزل الظعن عيف المشرعه...
وأمشي أخذني للحسين إبمصرعه
اليوم گله إِجــت أختي إو سـمعه...
رافعه راية علي
ردت من الشام..ردت من الشام
ـــــــــــــــــــ
جلسه ولتسولف الصار وجره ...
ورجع الـــراس إبهدوء المنحره
ولاتگــــول إم الخــدر متيسـره ...
رافعه راية علي
ردت من الشام..ردت من الشام
ــــــــــ
اشلون أجلسه والچفوف مگطعه...
ومالي حيل أرفع إضلوعه توجعه
ويلي دلالي أخــــويه الصـــدعه ...
رافعه راية علي
ردت من الشام.. ردت من الشام
ـــــــــــ
ينزف الـدلال ينزف يالكفيل...
وحق رب العرش يالمالك مثيل
شمسك شع بالوفه ونبعك أصيل...
رافعه راية علي
ردت من الشام ..ردت من الشام
ــــــــــــــــ
ويلي يابواليمه گلبي يغص آلم...
من وگع عالأرض شيال العلم
إبگلبي لهبت نارمـن نار الخيم...
رافعه راية علي
ردت من الشام..ردت من الشام
ــــــــــــــ
ويلي يابوالفضل حرگه حرگتي...
عقب عينك من يطيب علتي
أرد أنشدك لو وصلت الديرتي...
رافعة راية علي
ردت من الشام ..ردت من الشام
ـــــــــــــ
هاي شــيعتكم تــون الونتي ...
وتصرخ تواسيني خويه إبعلتي
ونصبت العزيات تلطم حسرتي...
رافعه راية علي
ردت من الشام ردت من الشام
ــــــــــــــ
بإسمك الرحمن راحم هالإمم...
وأنت للهفـــان ياراعي الهمم
نوررحمه نورت أعلى القمم...
رافعه راية علي
ردت من الشام ..ردت من الشام
ــــــــــــــــــــ
إبگلبي چم سهم وسهم ما ينخلع ...
من جيوش آهل الرذيله منفجع
بالحشر باچر الخالــق ِيطْلِع...
رافعه راية علي
ردت من الشام ..ردت من الشام
ـــــــــــــــــــ
بالحشر توگف أعقول الغادره
أگبال فاطمة الرسول الطاهره
حامله إچفوف الوفه عالقنطره
رافعه راية علي
ردت من الشام.. ردت من الشام
ـــــــــــــــ
نسألكم الدعاء
خادمكم الذي لا ينساكم بالدعاء
الحاج ابومهندالسلامي النجفي


صورة
صورة العضو الرمزية
فداك يازينب
جوادي متقدم
جوادي متقدم
Posts in topic: 1
مشاركات: 3068
اشترك في: السبت أكتوبر 14, 2006 5:21 am
الراية: أخت زينبية
مكان: سراب
اتصال:

مشاركة غير مقروءة بواسطة فداك يازينب » الأربعاء أكتوبر 23, 2019 5:14 pm

لله صبرها ...
عظم الله اجوركم على عظيم المصاب
فَإِنَّكُمْ وَسِيلَتِي إِلَىٰ اللهِ، وَبِحُبِّكُمْ وَبِقُرْبِكُمْ أَرْجُو نَجَاةً مِنَ اللهِ ..~
أضف رد جديد الموضوع السابقالموضوع التالي

العودة إلى ”واحة الشعر الشعبي“